Nuk e ndjen veten hero edhe pse e quajnë të tillë. Një i ri i papunë shpëtoi dy vajzat binjake të 42-vjeçares Rudina Kishta nga Fieri e cila në një gjendje të rënduar psikike tentoi të mbyste në lumë dy 6-vjeçaret e saj dhe më pas dogji shtëpinë e bashkëjtuesit. Admir Murataj tregon me detaje atë që ndodhi pak metra larg vendit ku ai po peshkonte.<br /><br />"Isha këtu dhe matanë ishte një burrë. Vjen një grua me dy kalamaj. Duke kaluar u hodh direkt në lumë. Një gocë e kishte në krah dhe një tjetër e kapi për flokësh".<br /><br />Murataj thotë se edhe priti derisa mbërriti policia e cila mori vajzat dhe shoqëroi 42-vjeçaren.<br /><br />"Policia ka ardhur pas 5 minutash dhe mori gruan na e largoi nga fëmijët prapë. Gruaja tentoi t'i merrte fëmijët t'i mbyste në sy të policisë".<br /><br />Të mërkurën, Rudina Kishta doli para gjykatës, e cila e la në arrest me burg. Edhe para saj ajo shfaqi një gjendje të rënduar duke deklaruar se mund bënte çfarë të donte me fëmijët e saj dhe se aktin e djegies së shtëpisë e kreu si hakmarrje ndaj bashkëjetuesit i cili e dhunonte.
