Një aksident raportohet të ketë ndodhur mëngjesin e sotëm në afërsi të Golemit. Treni i udhëtarëve të linjës Durrës-Elbasan raportohet të jetë përplasur me një makinë tip "Volvo" me targë të huaj J006 SMM.<br /><br />Siç mëson Shqiptarja.com dhe Report Tv, ngjarja ka ndodhur në segmentin që njihet si zona e karburantit, pa shkuar tek stacioni i Trenit në Golem. Mësohet se në makinë udhëtonte një familje me gjashtë anëtarë.Burimet shtojnë se në vendngjarje ka mbërritur edhe policia dhe po heton për shkaqet e këtij aksidenti. Mësohet gjithashtu se 6 pjesëtarët e familjes së aksidentuar janë dërguar në spitalin e Durrësit për kontrolle mjekësore.<br /><br />Në makinë udhëtonin<br /><br />Drejtuesi i mjetit B.C 40 vjec.<br />Bashkeshortja L.C. 38 vjece.<br />Djali L.C 8 vjec<br />Vajza E.C 4 vjece.<br />Djali O. C 2 vjec<br />Djali tjeter D.C 6 vjec.<br /><br />Informacion paraprak <br /><br />Më datë 17.08.2018, rreth orës 09:10, në zonën e Shkëmbit të Kavajës, treni i udhëtarëve i linjës Durrës -Elbasan është përplasur me një mjet tip Volvo me targa angleze me drejtues shtetasin B. C. rreth 40 vjeç, banues në Durrës, i cili në mjet ka qenë me bashkëshorten dhe katër fëmijët.<br /><br />Shtetasit e mësipërm ndodhen në Spitalin Rajonal Durrës jashtë rrezikut për jetën. Grupi hetimor po punon për sqarimin e rrethanave të ngjarjes.
