27 ton fileto pule të ardhura nga Brazili janë bllokuar në portin e Durrësit nga Autoriteti Kombëtar i Ushqimit.<br /><br />Shkak është bërë infektimi i mishit me salmonelë.<br /><br />Analizat e kryera nga AKU kanë faktuar se mishi i pulës ishte me salmonelë, për këtë arsye është ndaluar futja e kontenierit në Shqipëri dhe është kërkuar kthimi në vendin e origjinës.<br /><br />Kjo nuk është hera e parë që në vendin tonë kapen ngarkesa me mish të infektuar të ardhur nga Brazili.<br /><br />Gjatë këtij viti nga AKU janë bllokuar e kthyer mbrapsht edhe 7 kontenierë të tjerë, me 180 tonë mish.<br /><br />Numri total i ngarkesave të importuara nga Brazili gjatë kësaj periudhe të vitit është 259 kontenierë, secili prej të cilëve është kontrolluar e analizuar me rigorozitet.<br /><br />Kontrollet efikase të shoqëruara me cilësinë e analizave janë garanci e plotë, që produktet që futen në treg janë të sigurta.
