Subscribe në Ora News këtu http://bit.ly/1s5j7UT<br />Policia po e heton si akt të qëllimshëm shpërthimin e bomulës së gazit në magazinën e çerdhes nr.14 në lagjen "Ali Demi" në Tiranë. Ngjarja ndodhi më 16 gusht në pjesën e pasme të çerdhes në një dhomë që përdorej si magazinë.<br /><br />Hetimet në lidhje me shkakun e ngjarjes po kryhen nga komisariati nr.1 dhe prokuroria e Tiranës, ndërsa pista kryesore lidhet me një akt të qëllimshëm që mund të ketë pasur si shkak konfliktet e pronësisë.<br /><br />Ekspertët zjarrfikës kanë arritur në përfundimin se bombola nuk ka qenë në përdorim në momentin kur ka ndodhur shpërthimi në orën 04:57 të mëngjesit pasi në atë kohë në çerdhe nuk ka pasur njeri.<br /><br />Kjo ka ngritur dyshime për një ndërhyrje të qëllimshme nga persona ende të pa identifikuar që kanë pasur si motiv mosmarrëveshjet lidhur me pronësinë e godinës.<br /><br />Në këtë pistë hetuesit e komisariatit nr.1 janë duke hetuar disa persona të dyshuar për të cilët ka dyshime se mund të jenë implikuar në shpërthimin e qëllimshëm duke dëmtuar tubat e gazit.<br /><br />Grupi i hetimit po analizon me detaje kamerat e sigurisë të marra nga bizneset e zonës për të evidentuar ndonjë lëvizje në magazinë në kohën kur ndodhi shpërthimi.<br /><br />Për fat të mirë ngjarja nuk solli pasoja njerëzore pasi çerdhja ishte bosh, ndërsa të vetmet dëme që u shkaktuan ishin plasaritjet e mureve dhe shkatërrimi i materialeve që ndodheshin brenda magazinës.<br /><br /><br />Për më shumë lexoni në: <br />http://www.oranews.tv/article/hetimet-zjarri-ne-cerdhe-i-qellimshem-dyshime-konflikte-pronesie
