TIRANE-Mbrëmjen e sotme çerdhja nr 16, në rrugën ?Nikolla Tupe? është përfshirë nga flakët. Ambienti i kthyer në çerdhe ndodhet në të njëjtën godinë me zyrat e njësisë bashkiake numër 5.Nga të dhënat e deritanishme dyshohet se zjarri ka ardhur për shkak të një defekti që ka patur frigoriferi i çerdhes.<br /><br />"Më datë 21.08.2018, rreth orës 19:25, në rrugën ?Nikolla Tupe?, në katin e dytë të godinës së ?Çerdhes Nr.16?, ka rënë zjarr. Në godinë nuk ndodhen njerëz. Në vendngjarje janë shërbimet e Komisariatit të Policisë Nr.2 dhe Zjarrfikësja, të cilët bënë fikjen e zjarrit."-thuhet në njoftimin e policisë për zjarrin<br />"Më datë 16.08.2018, rreth orës 04:57, në rrugën ?Aldi Demi?, në një dhomë e cila shërbente si magazinë për një çerdhe ka patur rënie zjarri. Zjarri është fikur dhe ka patur vetëm dëme të vogla materiale.<br />Paraprakisht zjarri dyshohet të ketë rënë si pasojë e rrjedhjes së gazit nga një bombël gatimi."-njoftonte policia për ngjarjen e 16 gushtit.<br /><br />Për zjarrin që ra tek çerdhja tek lagjia "Ali Demi" reagoi dhe Partia Demokratike e cila akuzoi kryebashkiakun Erion Veliaj për fshehje të provave. Kreu i këshilltarëve të PD-së në këshillin bashkiak, Leonard Olli, e konsideroi këtë ngjarje si një këmbanë alarmi për institucionet dhe bashkinë e Tiranës. Olli tha se sistemi i alarmit në çerdhe nuk kishte funksionuar.<br /><br />Në një kundërpërgjigje, Bashkia e Tiranës, sqaroi se zona ku kishte rënë zjarri nuk kishte lidhje me çerdhen dhe se territori nuk ishte në patronazhin e Bashkisë Tiranë.<br /><br />Deri më tani për të dyja këto ngjarje ende nuk ka një përgjegjës, ndërkohë që ditën kur zjarri ra në çerdhen nr 14, kreu i zjarrfikëses, Shkëlqim Goxhaj nuk e përjashtoi mundësinë e zjarrvënies së qëllimshme, por policia nuk dha më detaje për pistat e hetimit. Më datë 20 gusht, Report Tv mësoi nga grupi hetimor se për ngjarjen e 16 gushtit po hetohet për zjarrvënie të qëllimshme për një konflikt pronësie.<br /><br />Dyshimet për një ndërhyrje të qëllimshme nga persona ende të paidentifikuar që kanë pasur si motiv mosmarrëveshjet lidhur me pronësinë e godinës, u ngritën prej faktit se bombola e gazit në momentin e shpërthimit të gazit nuk ka qënë në përdorim.
