Subscribe në Ora News këtu http://bit.ly/1s5j7UT<br />Universiteti i Gjirokastrës do të çelë për vitin e ri akademik 5 programe studimi profesional 2 vjecare për maturantët me mesatare të ulët. Rektori, Bektash Mema, thotë se studentët do të përgatiten për profesione të kërkuara nga tregu i punës si udhërrëfyes turistik, edukatore apo asistent ekonomist e menaxherë. Këto programe pritet të ndikojnë në tërheqjen e studentëvë pranë Universitetit në qytetin jugor, ku disa degë nuk e kalojnë pragun e 10 studentëve të regjistruar.<br /><br />Pesë programe të reja studimi profesionale 2-vjeçare do të hapen nga Universiteti ?Eqrem Çabej? në Gjirokastër për vitin akademik 2018-2019.<br /><br />Rektori, Bektash Mema, thotë se degë të tilla si udhërrëfyes turistik, edukatore për moshat deri 3 vjeç, asistent ekonomist apo asistent menaxher në çështje të turizmit do tu ofrojnë të rinjve përgatitje për profesione të kërkuara nga tregu u punës.<br /><br />Bektash Mema: Janë miratuar tashmë nga MAS edhe 5 programe profesionale pas arsimit të mesëm. Të gjithë aplikantët që kanë notën mesatare nën 6 ose nën 7 por edhe të tjerë, të aplikojnë në këto programe të cilat shkojnë drejt tregut të punës në një kohë relativisht të shpejtë.<br /><br />Kjo mundësi për nxënësit me mesatare të ulët që nuk mund të vijojnë programet bachelor pritet të ndikojë edhe në rritjen e studentëve pranë këtij Universiteti, në një kohë që numri i maturantëve është përgjysmuar në rang qarku, prej migrimit drejt qendrës së vendit apo prej emigracionit të familjeve të reja.<br /><br />Bektash Mema: Ristrukturimi i programeve ekzistuese dhe miratimi i programeve të reja është një moment që ne e vlerësojmë si një pikë kthese për prurjet në Universitetin e Gjirokastrës.<br /><br />Programet e mësuesisë janë prioritet në Universitetin e Gjirokastrës, ku degët matematikë-fizikë, gjuhë greke, gjuhë italiane të cilat nuk e kanë kaluar pragun e 10 studentëve të regjistruar.<br /><br />Bektash Mema: Mendojmë se përgjithësisht janë programe të kërkuara në tregun e punës ndaj dhe Universiteti i Gjirokastrës është fokusuar në këto drejtime.<br /><br />Vitin e kaluar akademik, Universiteti i Gjirokastrës rrezikoi mbylljen e pesë degëve të studimit.<br /><br />Vetëm 238 studentë të rinj u ulën për herë të patë në auditoret e këtij universiteti, ku studiojnë në total rreth 1500 studentë.<br />Për më shumë lexoni në: <br />http://oranews.tv/article/universiteti-i-gjirokastres-5-dege-maturantet-me-mesatare-te-ulet
