Subscribe në Ora News këtu http://bit.ly/1s5j7UT<br />Rreth 80 familje të lagjes "Muçaj" në fshatin Peshtan-Bregas të Fierit dolën në protestë këtë të mërkurë me pretendimin se një bashkëfshatar u ka bllokuar një rrugë që ata thonë se e përdornin prej dekadash.<br /><br />Banori: Kjo rrugë po bën 70 e ca vjet, këtu kam kaluar gjithë kohën.<br /><br />Banori: Ua mbylla sot, ua mbylla nesër. Çfarë jemi ne, bagëti?<br /><br />Banorët thonë se bllokimi rrugës që kalon përmes ullishtes i izolon ata nga pjesa tjetër e njësisë administrative Frakull ndaj kërkojnë që ajo të jetë e hapur për të gjithë.<br /><br />Banori: Ai le ta bllokojë, po pati forcë ndaj shtetit le ta bllokojë. Ne duam rrugën të kalojmë lart tek shtëpia.<br /><br />Banori: Do kalojmë në ajër? Nëse shteti na bën rrugë të kalojmë në ajër, faleminderit se do të shohim dhe botë me sy!<br /><br />Banorët kërkojnë zgjidhjen e problemit, për të shmangur konfliktet që mund të shkaktohen me bashkëfshatarin.<br /><br />Banorja: Hapni rrugën, se këtu do të vriten njerëzit.<br /><br />Ndërkohë Isa Muça, pronari i ullishtes ku kalon rruga e kontestuar i kontaktuar me telefon thotë se ka vendime gjykate që i japin të drejtë.<br /><br />Ai thotë se rruga është hapur nga bashkëfshatarët gjatë kohës kur ai ndodhej në Tiranë dhe ai ka ndjekur rrugën ligjore për të drejtën e pretenduar.<br /><br />Edhe burime pranë Njësisë administrative Frakull në Fier konfirmuan se ai se për këtë çështje ka një vendim të Gjykatës së Apelit Fier që i ka dhënë të drejtë shtetasit Isa Muça për rrugën që ka futur në konflikt banorët e fshatit.<br />Për më shumë lexoni në: <br />http://oranews.tv/article/bashkefshatari-u-bllokon-rrugen-80-familje-ne-fier-kekrojne-zgjidhje-nga-shteti
