Një fluks i tillë nuk ka ndodhur kurrë më parë. Nga Morina në Kukës, rruga e Kombit u bllokua për orë të tëra.<br /><br />Mijëra automjete në më shume se 17 km, në dy koristë drejt Kukësit thuajse kanë lëvizur me shpejtësi minimale.<br /><br />Veç numrit të lartë të mjeteve, shkaku kryesor i këtij kaosi janë pesë urat e papërfunduara nga Kukësi në Morinë.<br /><br />Në ura, mjeteve u duhet të kalojnë nga dy në një korsi të vetme.<br /><br />Patrullat e policisë të autostradës u përforcuan dhe nga policia e Kukësit, por gjendja thuajse mbeti e pandryshuar për orë të tëra.<br /><br />Një pjesë e mjeteve kërkonin rrugë alternative dhe kanë hyrë në qytet, por Kukësi ka vetëm një dalje, ura e Drinit të zi, e cila nuk e përballon këtë fluks.<br /><br />Në projekt është ndërtimi i urës së madhe mbi Drin. Punimet për ndërtimin saj duhej të kishin nisur me kohë, bashke me dublimin e urave të tjera deri në Morinë, përfshirë edhe mbikalimet.
