ITALI- Gjykata e Katanias ka vendosur të lirojë nga burgu Nezar Seitin, i njohur ndryshe si ?financeri? i grupit Habilaj. Burime për Shqiptarja.com dhe Report Tv bëjnë me dije se Seiti kishte dorëzuar një kërkesë pranë Gjykatës së Katanias për mungesë provash.<br /><br />Pas shqyrtimit të dosjes, gjykata vendosi sot të lehtësojë masën e vendosur ndaj Seitit, duke zbutur masën nga ?arrest me burg? në ?arrest shtëpie?. Lajmi konfirmohet edhe nga avokati i Seitit, Detar Hysi.<br /><br />Prokuroria e Katanias ka apeluar vendimin e Gjykatës duke kërkuar ndryshimin e masës së sigurisë nga ?arrest shtëpie? në ?arrest me burg?, ndërkohë që edhe Seiti ka apeluar masën e sigurisë ?arrest shtëpie?, duke kërkuar lirimin e tij.<br /><br />Në datën 4 shtator pritet të zhvillohet seanca ku do jepet vendimi i radhës për Seitin.<br /><br />Nezar Seiti është një nga personat e akuzuar si pjesë e bandës së Habilajve. Seiti njihet ndryshe si financieri i grupit, pasi akuzohet se bënte shpërndarjen e parave mes anëtarëve të bandës, para këto të fituara nga trafiku i kanabisit.<br /><br />Seiti nuk ka pranuar akuzat e prokurorisë së Katanias për implikim në trafikun e drogës. Seiti është shprehur më herët se me Habilajt ka vetëm lidhje krushqie.<br /><br />Seiti u ekstradua në Itali në datën 25 janar 2018, pak javë pasi ishte shpallur në kërkim nga drejtësia italiane. Seiti u shpall në kërkim në tetor, pak javë pasi anëtarët e grupit të Habilajve u ndaluan nga policia.<br /><br />Gjykata e Katanias kishte lëshuar një urdhër arresti për të dhe gjykata shqiptare lejoi ekstradimin e tij, pas arrestimit të tij në Vlorë. Ekstradimi i tij hapi një tjetër debat në politikën shqiptare se a duhet të ishte ekstraduar Nezar Seiti, përsa kohë që po hetohej edhe në Shqipëri. <br /><br />Grupi kriminal ishte në përgjim që prej vitit 2013, dhe në dosjen e prokurorisë së Katanias, përmendej edhe ish-ministri Tahiri nga ana e grupit kriminal. Habilajt kanë përdorur emrin e ministrit si të përfshirë në trafikun e kanabisit.
