Brajani është vetëm 11 muajsh. Tre ditë më parë ai ishte duke luajtur me nënën e tij në Shkodër, teksa ajo vuri re se vogëlushi nuk lëvizte njërën këmbë e njërën dorë. <br /><br />Menjëherë prindërit që Brajanin e kanë fëmijën e parë, e dërguan atë në spitalin e Shkodrës, ku neurologët atje kuptuan se truri i vogëlushit nuk furnizohej mirë me gjak, ndaj e përcollën menjëherë në Tiranë për ekzaminime të specializuara. <br /><br />Kjo është një sëmundje shumë e rrallë. Më shpesh është në Japoni, në lindjen e Largët. Është një sëmundje e cila karakterizohet nga ngushtimi i arterieve që i çojnë gjakun trurit. Bënë një rezonancë në Shkodër ku vihet re infarkti në të dyja anët e trurit dhe pastaj vjen këtu në QSUT, që bëhet një angeorzonancë, aty u pa që shkaku i infarktit ishin arteriet që po ngushtoheshin, ndryshe e quajtur moymoya.<br /><br /> Artur Xhumari, mjek neuro-kirurg<br />Ekipi mjekësor në QSUT nisi një ndërhyrje të vështirë, e cila është shumë e rrallë. Neurokirurgu që udhëhoqi ekipin në operacion tregon orët e gjata teksa po bënte 24 shpime në kokën e vogëlushit për të mundësuar një rrugë të re të furnizimit të trurit të tij me gjak. <br /><br />Operacioni zgjati më shumë seç ishte parashikuar. Zgjati diku tek 5-6 dhe konsistoi në bërjen e shumë vrimave që të bëhet lidhja e arterieve të lëkurës së kokës të cilat do shkojnë brenda dhe do t?i japin gjakun trurit.<br /><br />Artur Xhumari, mjek neuro-kirurg<br />Orët e pritjeve kanë qenë vecanërisht të vështira për mamanë e Brajanit, ashtu edhe për Klodianin, të atin. <br /><br />Jam shumë i lumtur se gjithçka shkoi mirë. Ishte tmerr, si çdo prind që nuk do ta shohë fëmijën e tij keq. Ishalla nuk i ndodh askujt kjo gjë.<br /><br />Klodian Marku, babai i Brajanit <br />Prindërit si prindër që janë, janë gjithmonë të frikësuar. Dhe në sëmundjen e neurologjisë është shumë vështirë të jesh i qetë menjëherë. Duhet durim dhe kohë të kalojë që të fillojnë të gjithë të qetësohemi.<br /><br /> Artur Xhumari, mjeku neuro-kirurg<br />Rasti vlerësohet si një histori suksesi për qendrën spitalore universitare ?Nënë Tereza?. Vetë ministrja Ogerta Manastirliu publikoi në Facebook lajmin e mirë të këtij operacioni. <br /><br />Unë si mjek nuk kisha mungesa në mjete apo në vegla apo në ilaçe për të realizuar operacionit.<br /><br />Artur Xhumari, mjek neuro-kirurg
