http://www.vizionplus.tv<br />https://facebook.com/VizionPlusTV<br />https://instagram.com/vizionplustelevizion<br />https://twitter.com/VizionPlusTV<br /><br />Grupi Parlamentar i Bashkimit Demokratik për Integrim ka informuar kreun e Kuvendit Talat Xhaferi, se do të zhvillojë një fushatë pro marrëveshjes së Prespës dhe integrimit euroatlantik. Të gjithë deputetët e BDI do të përfshihen në fushatën për referendumin për emrin, që do të mbahet në 30 shtator në Maqedoni.<br /><br /> <br /><br />Në shkresën drejtuar kryetarit të Kuvendit Xhaferi thuhet se suksesi i referendumit gjeneron stabilitet, zhvillim ekonomik dhe integrim.<br /><br /><br /> <br /><br /> ?Duke marrë parasysh përcaktimet tona individuale si deputetë, por edhe ato partiake, strategjike dhe ideologjike, për integrim të menjëhershëm të vendit në Bashkimin Evropian dhe në NATO, të gjithë deputetët e Grupit Parlamentar të BDI-së, me përkrahje edhe të pushtetit ekzekutiv dhe vendor si dhe shoqërisë civile, do të zhvillojnë fushatë PRO Marrëveshjes së Prespës dhe integrimit euroatlantik.?<br /><br /> <br /><br />Edhe deputeti i VMRO-DPMNE-së Antonio Milloshoski, konfirmoi pjesëmarrjen e tij në fushatën e referendumit. Me një shkresë dërguar kryeparlamentarit Talat Xhafer, ai kërkoi nga Parlamenti që t?i ndahen mjete për propagandë bojkotuese ndaj referendumit.<br /><br /> <br /><br />Milloshoski ka nënvizuar se ky është qëndrimi i tij personal. Sipas tij, e drejta e thirrjes në bojkot, i garantohet me ligj.<br /><br /> <br /><br />Por të njëjtin qëndrim nuk ndan edhe partia, politikat e të cilës ai i përfaqëson në Kuvend. Madje as kolegët e tjerë nga radhët e kësaj force, akoma nuk e kanë njoftuar kryeparlamnetarin Xhaferi për qëndrimin e tyre.<br /><br /> <br /><br />Kryetari Mickovski bëri të ditur se për të gjitha këto çështje pritet që të vendoset përfundimisht në një takim brenda partiak.<br /><br /> <br /><br />Aleanca për Shqiptarët nga ana tjetër thotë se po mendohet përkrahja e referendumit, megjithatë, një vendim final do të merret të dielën. Edhe nga BESA janë pro referendumit, por ende nuk kanë vendosur për mënyrën e zbatimit së fushatës.
