Mbi 10 mijë persona u larguan nga porti i Durrësit drejt porteve të Italisë këtë të shtunë. Fluksi i udhëtarëve u shoqërua edhe me shtimin e sporteleve të shërbimit, por pa mundur të shmangë vonesat.<br /><br />Numri i lartë i pasagjerëve që tejkaloi çdo parashikim të autoriteteve portuale dhe policore, shkaktoi radhë të gjata dhe pritje disa orëshe. Kjo situatë solli pakënaqësi tek pasagjerët.<br /><br />"Familja atje po rri në diell".<br /><br />"Nuk bëhët fjalë të futesh e jo më të nisesh. Ne akoma jemi duke prerë biletat".<br /><br />Vonesat në nisje nuk mbeten i vetmi problem për ata që zgjedhin të udhëtojnë nga porti i Durrësit drejt porteve te Italisë. Çmimet e larta të biletave, mungesa e kushteve në tragete dhe abuzime të tjera mbeten problem, kryesisht në kohë fluksi.<br /><br />"Biletat këtu variojnë tek 100 Euro".<br /><br />"Në mes Gushtit, pa kabinë dhe 100 Euro".<br /><br />"Nuk i keni parë se si flejnë të gjithë në tokë? Ku ka kushte trageti. Tragetet që vijnë në Shqipëri nuk ka asnjë kusht. Tragetet me të këqinj ne i kemi".<br /><br />"A vihet më këtu me pushime? Të vij më këtu? Ta di që vdes rrugës më mirë".<br /><br />Fluksi i udhëtimeve të transportit detar pritet të vijojë deri në fund fillim të Shtatorit, kur emigrantët kthehen në vendet ku punojnë dhe jetojnë.
