Tiranë- ?Report Tv? ka shoqëruar për disa çaste policinë rrugore, teksa ka vënë sërish në punë risinë e monitorit të shkeljeve të rregullave të qarkullimit rrugor nga ajri, atë të dronit.<br /><br />Që nga momenti i parë i inspektimit nga ajri, rreth 250 shoferë janë kapur me shkelje, kjo pasi sipas tyre ata nuk e kanë ditur se po monitoroheshin.<br /><br />Policia ka zgjedhur që për ditën e sotme, të monitorojë aksin Kashar-Rinas. Droni është pikasur menjëherë nga shoferët, të cilët e kanë pikasur dhe kanë nisur të respektojnë rregullat.Por kjo nuk ka ndodhur me të gjithë drejtuesit e mjeteve, pasi gjatë raportimit ?live? të gazetarit Arsen Rusta njëri prej tyre është ndaluar për parakalim të gabuar në një aks ku vetë parakalimi është i ndaluar, i paligjshëm dhe konsiderohet si burim aksidentesh.<br /><br />?Polici fluturues? do të përdoret në të gjitha akset problematike. Sot droni është në fazat e tij eksperimentale, por së shpejti do të jetë i përdorur në të masë në të gjitha akset me fluks.<br /><br />Statistikat flasin se nëse policia rrugore ka bërë kontrolle në akse, ?syri? nga ajri ka munguar. Me këtë risi shtohen masat për parandalimin e aksidenteve.
