FIER-Dy persona kanë humbur jetën nga një aksident mbrëmjen e sotme. Ngjarja ka ndodhur rreth orës 21:00 në fshatin Arapaj të Roskovecit.<br /><br />Sipas të dhënave nga gazetari i Report Tv në Fier, Kristaq Thano një makinë ka dalë nga rruga dhe për pasojë ka marrë përpara dy këmbësorët.<br /><br />Përplasja ka qenë fatale dhe dy personat, Amarildo Dogani dhe Festim Dogani humbën jetën në vend. Dy personat që humbën jetën banonin në fshatin Arapaj, ndërsa ishin kushërinj.<br /><br />Policia ka mbërritur në vendin e ngjarjes duke nisur hetimet, ndërsa nga të dhënat e para nga grupi hetimor mësohet se shkak ka qenë shpejtësia me të cilën po lëvizte makina dhe mungesa e ndriçimit në rrugë.<br /><br />Ndërkohë që drejtuesi i makinës që shkaktoi aksidentin e rëndë është ndaluar nga policia. Në Shqipëri në javët e fundit janë shënuar shumë aksidente me vdekje.<br /><br />Sipas një raporti të INSTAT në 7 muajt e fundit në vendin tonë kanë humbur jetën mbi 120 persona dhe shumë të tjerë janë plagosur nga aksidentet që janë regjistruar.
