Subscribe në Ora News këtu http://bit.ly/1s5j7UT<br /><br />BE nuk do të pranojë asnjë anëtar që ka probleme kufitare me fqinjët, por gjithashtu nuk do të lejojë që marrëveshjet dypalëshe të rrezikojnë stabilitetin në rajon. Ky ishte qëndrimi i eurokomisionerit Johannes Hahn, gjatë Samitit Informal të Kryeministriva të Ballkanit, pasi u pyet në lidhje me çështjen e korrigjimit të kufijve mes Kosovës dhe Serbisë. Kryeministri shqiptar Edi Rama mbështeti qëndrimin e Hahn, ndërsa Ramush Haradinaj, pa patur në tryezë homologen serbe, u shpreh i vendosur që Kosova i ka kufijtë e saj dhe nuk është i nevojshëm korrigjimi i tyre.<br /><br />Tiranë- A e mbështet zoti Hahn korigjimin e kufijve apo shkëmbimin e territoreve? Cila është ideja më e pranueshme, apo Kosova duhet të arrijë marrëveshje me Serbinë me këta kufij me të cilën e ka shpallur Pavarësinë?<br /><br />Komisionieri për Zgjerimin e BE-së, Johannes Hahn ka këtë koment: "Mendoj që nuk është e përshtatshme në këtë fazë të bëjmë komente lidhur me diskutimet dhe negociatat në vazhdim. Presupozoj se takimki javën e ardhshme në Bruksel nuk do të jetë takimi i fundit.<br /><br />Do të jetë një tjetër takim në vijim dhe sigurisht do të kërkojë kohë që të gjendet një marrëveshje për rrjedhojë ju lutem kuptoni se nuk jam i gatshëm të bëj asnjë koment, veç atij që sigurisht siç është parashtruar në strategjinë e Ballkanit Perëndimor ne nuk do të pranojmë asnjë anëtar të ri nëse nuk janë të zgjidhura mosmarrëveshjet dypalëshe."<br /><br />Për më shumë lexoni në: http://oranews.tv/article/korigjimi-i-kufijve-hahn-cdo-lloj-marreveshje-nuk-duhet-te-ndikoje-ne-stabilitetin-e-rajonit
