Rruga nacionale Krujë - Fushë-Krujë është një aks mjaft i rëndësishëm dhe i vetmi që lidh Krujën më gjithë Shqipërinë. Në këtë aks kalojnë çdo ditë me mijëra automjete të llojeve dhe madhësive të ndryshme.<br /><br />Si një qytet historik dhe turistik me vlera të veçanta, vizitohet nga mijëra turistë në vit, e të gjithë kalojnë në këtë aks i cili në pjesën më të madhe është tërësisht i shkatërruar.<br /><br />Sipas banoreve të zonës kohët e fundit kanë ndodhur 3 aksidente me vdekje, pa llogaritur aksidentet me të plagosur.<br /><br />Gjendja është shumë e keqe dhe shumë alarmante. Shumë e rrezikshme sepse është burim aksidentesh. Vetëm për shkak të rrugës janë shkaktuar 3 aksidente. Këtu shkatërrohen mjete çdo ditë. Ne paguajmë taksat. Unë për makinën time kam paguar 500 mijë lekë.<br /><br />Banor i zonës dhe drejtues mjeti<br /> <br />Kaq vite demokraci dhe këtu nuk kalohet. Na i bëri makinat copë, na i griu.<br /><br />Banor i zonës dhe drejtues mjeti<br />Rruga ka afro 5 vjet që është rikonstruktuar, ndërsa sot për arsye të dëmtimit funksionon vetëm me një korsi e saj. Por pavarësisht këtij fakti deri tani nuk është marrë asnjë masë dhe nuk dihet se kur do të vijë dita për një ndërhyrje në aksin rrugor Krujë ? Fushë-Krujë.
