Prokuroria e Tiranës ka regjistruar zyrtarisht veprën penale ?ushtrim ndikimi ndaj personave që mbajnë funksione publike?, për audio përgjimin e bisedës mes nënkryetarit të Komisionit Qendror të Zgjedhjeve Denar Biba dhe gjyqtarit shqiptar në Gjykatën e Strasburgut, Ledi Bianku.<br /><br />Organi i hetimit ka nisur paraditen e të mërkurës verifikimin për kete ceshje.<br /><br />Burime zyrtare nga prokuroria e kryeqytetit konfirmojnë për Tv Klan se drejt portalit që publikoi bisedën është dërguar një shkresë ku kërkohet vënia në dispozicion e materialit të plotë.<br /><br />Pas kësaj audio do t?i nënshtrohet nje ekspertimi për saktësuar nëse është origjinali apo ka pasur ndërhyrje.<br /><br />Pasi të kryhen këtë veprime hetimore prokuroria do të vendosë nëse do të thërrasë për t?i marrë në pyetje dy personat që dëgjohen në audio-përgjim apo edhe emrat e atyre që përmenden aty.<br /><br />Nëse nga verifikimi prokurorët do të arrijnë ne përfundimin se është kryer vepra penale e ushtrimit të ndikimit ndaj personave qeë mbajnë funksione publike apo ndonjë vepër tjetër, atëherë do të nise një hetim penal.<br /><br />Opozita i kërkoi prokurorisë të hetojë edhe për korrupsion Denar Biben dhe sekretarin e përgjithshëm të kryeministrisë, Engjell Agacin, për shantazh ndaj gjyqtarit Bianku.<br /><br />Sipas Lulzim Bashes, Biba e ka shantazhuar gjyqtarin duke i kërkuar që të mbështesë qeverinë në kërkesën e saj drejtuar gjykatës së Strasburgut për të shtyrë ekzekutimin e vendimeve të kësaj gjykate të çështjeve te kthimit dhe kompensimit të pronave derisa të miratohej një ligj tjetër.
