Subscribe në Ora News këtu http://bit.ly/1s5j7UT<br />Një ditë pas vrasjes së biznesmenit Arjan Ferracaku, Anëtari i Këshillit Bashkiak të Shkodrës, Mustafa Lici, vëllai i Fatbardh Licit i vrarë më 10 gusht, akuzoi se shteti po bashkëpunon me bandat në kryeqendrën e Veriut!<br /><br />Duke folur nga oborri i shtëpisë ku qëndron i ngrujuar prej vrasjes së vëllait, ai tha se familja është vënë nën presion nga institucionet e shtetit, ndërsa thekson se pas vrasjes së 30 vjecarit Ferracaku në polici i kanë marrë në pyetje edhe djalin 16 vjecar.<br /><br />Lici: Vrasjet në Shkodër janë kryer në bashkëpunim me bandat, policia në bashkëpunim me bandat. Rasti i fundit, vrasja e Ferracakut kanë marrë dy fëmijë. Njëri 15 vjeç dhe tjeteri 16 vjeç, 16-vjeçari është djali im. E marrin këtu dhe e mbajnë 3-4 orë. Ky shtet po krijon trysni ndaj familjes tonë dhe disa familjeve të tjera.<br /><br />Mustafa Lici akuzon se për vrasjet në Shkodër po manipulohen provat dhe sa herë ndodhin krime në qytet, familja e tij merret në polici. Për këtë, thotë se do t?i drejtohet Strazburgut.<br /><br />Lici: Shtet sillet me furgon rreth shtëpisë time. Çdo incident që kryhet në Shkodër, çdo fishekt që qitet në Shkodër menjëherë rrethohet familja dhe marrin 3-4 vetë. Do ketë drejtësi më lart, edhe në Strasburg do të drejtohemi.<br /><br />Fatbardh Lici u vra me breshëri armësh në një atentat më 10 gusht, kur ishte duke pirë kafe pranë shtëpisë së tij. Ai u qëllua nga një makinë dhe për ngjarjen ende nuk ka një autor të vënë në akuzë ndonëse viktima kishte pasur precedentë penalë të të kaluarën<br /><br />Për më shumë lexoni në: http://oranews.tv/article/vrasja-e-fatbardh-licit-flet-i-vellai-moren-nga-ngujimi-15-vjecarin-vrasjen-e-biznesmenit
