TIRANË- Ditën e sotme është zhvilluar seanca e parë parlamentare pas shkëputjes së pushimeve. Në sallë prezent kanë qënë vetëm deputetët e maxhorancës, ndërsa opozita (PD, LSI dhe aleatët e tjerë) siç edhe kishte paralajmëruar ka zhvilluar një takim të jashtëzakonshëm në Shkodër.<br /><br />Kreu i Kuvendit, Gramoz Ruçi ka mbajtur edhe një fjalë hapëse duke numëruar arritjet e sesionit të kaluar, duke iu bërë edhe njëherë thirrje palëve politike që të bashkëpunojnë për të shkuar më afër Europës.<br /><br />Të gjitha kontributet tona përfshirë edhe luftën politike, t?ja kushtojmë luftës europiane. Të gjithë së bashku duhet të mësojmë nga përvoja e parlamentin Kroat, i cili ka miratuar 683 ligji në kuadër të reformës së përafrimit.<br /><br />Gramoz Ruçi, kreu i Kuvendit Fjalën pas Ruçit e ka marrë kreu i grupit parlamentar të PS-së, Taluant Balla dhe pas tij ministri i Brendshëm, Fatmir Xhafaj. Kryefjala e fjalimit të tyre kanë qënë ngjarjet e fundit kriminale të ndodhura në Shkodër dhe akuzat e opozitës ndaj qeverisë.<br /><br />Balla: Shifrat janë të tilla që rendi publik prej vitesh ka qenë problematik në Shkodër dhe përsa i përket vrasjeve, në 2010 kur ministër ishte Basha, ato arritën edhe në nivelin më të lartë, 18 vetëm në Shkodër gjatë 2010, krahasuar me një shifër 8 vrasje gjatë 8 mujorit të 2018. Edhe gjatë 2012 ka qenë 18 dhe mesatarja ka qenë në qeverisjen e PD dhe 9 në mandatin tonë të parë. Ne jemi shumë të shqetësuar për jetët e humbura nga krimi. Zoti ministër kemi besim te puna juaj dhe presim reagimin sa më të shpejtë, një përgjigje kuptimpoltë ndaj kujtdo. Mediat të mos ushqejnë popullin me helmin e çorbës së SHQUP-it. Vëmendja jonë është tek njerëzit.
