Përgjigjen për mungesën në seancën e parë plenare për këtë sesion parlamentar, Lulzim Basha ua dha kundërshtarëve të tij politikë nga qyteti i Shkodrës, ku opozita zhvilloi një takim të jashtëzakonshëm. Për kreun e opozitës ky është një mesazh qëndrese kundër krimit që sipas tij ka mbështetje qeveritare.<br /><br />?Në më pak se 3 muaj, në këtë qytet kanë ndodhur 6 vrasje tronditëse mafioze dhe janë rrëmbyer të paktën dy persona për të cilët dyshohet më e keqja.?<br /><br />Nisur nga ngjarjet pa autor të muajve te fundit në qytetin verior, Basha bëri një paralajmërim për Drejtorin e policisë së këtij qarku.<br /><br />?Sot kam një thirrje për drejtorin e qarkut të policisë së Shkodrës: jep dorëheqjen dhe largohu menjëherë, përndryshe do të jesh njësoj bashkëpërgjegjës me Ramën dhe Xhafaj për këtë gjendje. Nëse nuk ta mban të thuash të vërtetën dhe të mobilizosh Policinë e Shtetit kundër kriminelëve, por i shoqëron me blinda, atëherë e vetmja rrugë është dorëheqja.?<br /><br />Thirrjeve që erdhën për bashkëpunim nga kryeparlamentari Ruçi iu përgjigj prerazi në mënyrë refuzuese.<br /><br />?Si mund t'i kërkohet opozitës të ulet dhe të bëjë ligje me Fatmir Xhafën si deputet dhe Ministër i Brendshëm? Si mund t?i kërkohet opozitës të negociojë me Taulant Ballën e ?Toyota Yaris?, i cili pranon se ka miqësi me një anëtarë të Bandës së Lushnjes? Vendi ynë nuk mund të jetë në një fole krimi siç është sot Kuvendi i Shqipërisë.?<br /><br />Axhenda e vetme për opozitën thotë se është shkëputja e lidhjeve që qeveria ka me krimin.<br /><br />Basha paralajmëroi hartimin e një platforme që sipas tij synon rrëzimin e qeverisë dhe rikthimin e rendit e sigurisë në vend.<br /><br />Tv Klan
