http://www.vizionplus.tv<br />https://facebook.com/VizionPlusTV<br />https://instagram.com/vizionplustelevizion<br />https://twitter.com/VizionPlusTV<br />Pas tri përmbytjeve të pazarit të vjetër të Korcës, bashkia duket se po shkon drejt zgjidhjes përfundimtare të këtij problemi.<br /><br /><br /><br />Sipas nënkryetarit të bashkisë Thanas Tona, intensiteti i lartë i reshjeve dhe mosfunksionimi si duhet i kanalizimit kryesor të sistemit të qarkullimit të ujrave të bardha dhe të zeza, në periferi të pazarit, ka sjellë të gjitha këto përmbytje.<br /><br /><br /><br />Ndaj edhe për këtë Tona bën me dije se ndërmarrja e shërbimeve publike dhe UKKO, pasi kanë evidentuar situatën kanë dalë në përfundimin se dy janë problemet që kanë sjellë përmbytje sistematike. Së pari mosfunksionimi i kanalit të Gjancit që pret ujrat e larta nga Morava dhe së dyti mosfunksionimi siduhet kanalizimeve në brendësi të pazarit të vjetër.<br /><br /><br /><br />Pazari i Korcës, ansambël kulturor i kategorisë së parë ka në përbërje 140 dyqane si dhe pesë hane. Pazar ky nga më të vizituarit në qytetin më të madh në juglindje të vendit. Vetëm vitin e fundit nga qeveria shqiptare dhe fondi Amerikan i zhvillimit për kthimin në identitet është bërë një investim prej 5 milion dollarësh.
