Subscribe në Ora News këtu http://bit.ly/1s5j7UT<br /><br />Kryetari i Bashkisë së Tiranës u është përgjigjur kritikëve të Teatrit të ri Kombëtar. Pavarësisht se parlamenti do të nisë diskutimin mbi dekretin e Presidentit mbi kthimine ligjit me 20 shtator, Veliaj thotë se çdo e re shihet me skepticizëm.<br /><br />Deklaratat Veliaj i bëri gjatë inspektimit të punimeve në parkingun nëntokësor publik tek stadiumi i ri, ku shprehu bindjen se teatri i ri ka potencialin që të përsërisë të njëjtën vatër ekonomike si "Arena Kombëtare".<br /><br />Veliaj: Kushdo që është skeptik ndaj të resë ose që është cinik ndaj teatrit të ri, teatri i ri ka potencialin që të përsërisë të njëjtën vatër ekonomike, si stadiumi i ri që sot po del në dritë, një projekt i suksesshëm që vetëm nuk ia dilnim dot. Besoj, kush është skeptik mjafton të shohë mrekullinë që po ndodh këtu dhe çfarë ekonomie po i sjell Tiranës, për të kuptuar se çfarë potenciali kemi në një zonë tjetër.<br /><br />Veliaj nënvizoi se parkingu nëntokësor do të ketë një kapacitet prej 200 vendesh dhe do të ndikojë në lehtësimin e qarkullimit.<br /><br />Veliaj: Është një parking me rreth 200 vende, i cili sot do t?i shërbejë kryesisht funksioneve rreth stadiumit, i cili për herë të parë nuk do të jetë një stadium që do të përdoret një herë në 7 ditë, por do të përdoret 7 ditë të javës, 24 orë.<br /><br />Për më shumë lexoni në: http://oranews.tv/article/veliaj-teatri-i-ri-do-te-perserise-te-njejten-vater-ekonomike-si-arena-kombetare
