Të rinjtë sipërmarrës ka qenë fokusi i trajnimit mbështetur nga ministria e Financave dhe GIZ, nëpërmjet të cilit 96 persona të trajnuar për 10 ditë dhe këshilluar për rreth dy muaj nga projekti IDEA morën certifikata për idenë e tyre të biznesit.<br /><br />Në ambientet e Muzeut Historik Kombëtar pjesëmarrësit u njohën me fazat e tjera të përfitimit të grantit nëpërmjet të cilit do të kenë edhe përfitim financiar, 4000 euro për ata që aplikojnë vetëm dhe 7000 euro për ata që aplikojnë në çift.<br /><br />Arjan Grëmbi është një prej fituesve. Ai punon si oficer bankar prej 10 vitesh, por rreth 4 vite më parë ai mësoi për kultivimin e luleshtrydhes duke përfituar kështu edhe një profesion tjetër, atë të fermerit.<br /><br />Prej 4 vitesh ai nisi të kultivojë luleshtrydhe në serra në zonën e Fierit. Sot, së bashku me mikun e tij Oltin kanë marrë pjesë në trajnim për të sjellë idenë e tyre të biznesit, kultivimin e luleshtrydheve në serra me kate.<br /><br />Ideja që ne kemi është të investojmë në ndërtimin e serrave me kate në mënyrë që të intensifikojmë numrin e bimëve për të njëjtën sipërfaqe. Nëse sot kultivohen 7500 bimë në kultivimin tradicional në serrë me investimin e serrave me kate numri i bimëve shkon gati trefish.<br /><br />Arjan Grëmbi-Fitues në trajnim<br />Sipas Arjanit ky investim do të sjellë gati dyfishimin e fitimit financiar për fermerët.<br /><br />Në një sipërfaqe prej 1 dynym në një sezon total shkon fitimi në 400-500 mijë lekë të reja, ndërsa me investimin në serrat me kate, fitimi do jetë te 1.2 milionë lekë deri në 1.5 milionë lekë të reja për dynym.
