TIRANË-Në takimin e zhvilluar ditën e sotme në Kryeministri me koordinatorët e bashkëqeverisjes, kryeministri Edi Rama, ka përsëritur paralajmërimin për kryetarët e bashkive dhe drejtorët e institucioneve që nuk përgjigjen ndaj ankesave të qytetarëve.<br /><br />Rama ka thënë se çdo kryetar bashkie duhet të përgjigjet për çdo ankesë, njësoj si çdo ministër, që sipas tij, raporton me përgjegjshmëri për detyrën e tij.<br /><br />Do detyrohemi të nisim me emra e mbiemra nëse bashkitë nuk fillojnë të përgjigjen. Nëse edhe sot në shekullin 2, në vitin 2018 i ndajnë qytetarët në të ardhur dhe të tyret e s?duan t?ia dijnë fare apo për inat të bashkëqeverisjes ia faturojnë fajin qytetarëve, kjo është fatkeqësi.<br /><br />Të marrin masat, tu përgjigjen platformës ose do i nxjerrim me emër e mbiemër, bashkë me rastet kur nuk u kanë dhënë ndihmë qytetarëve.<br /><br />Çdo kryetar bashkie duhet të ngrihet në këmbë ashtu siç ngrihet çdo ministër. Këtu bëhet nami, çdo ministër raporton për ecurinë e punës, me përgjegjësi të plotë.<br /><br />Edi Rama, kryeministër<br />Më tej, Rama ka përmendur edhe rastin e drejtorit të hipotekës së qarkut Fier, Petrit Kanani, që sipas Ramës për të ka kërkuar shkarkimin pasi nuk ka kthyer në kohë përgjigje ndaj kërkesave të koordinatorëve të bashkëqeverisjes.<br /><br />Tani e vërteta është që jo vetëm që ka marrë dokumentin por ka shkarkuar edhe drejtorin e hipotekës së Fierit.Po e them këtë meqë u dha rasti i një burri 77 vjeç që solli dëshminë se ndryshe nuk do e thoja. Kemi pasur disa raste nga hipoteka e Fierit për çështje të pronësisë në tokën bujqësore.<br /><br />Edi Rama, kryeministër
