http://www.vizionplus.tv<br />https://facebook.com/VizionPlusTV<br />https://instagram.com/vizionplustelevizion<br />https://twitter.com/VizionPlusTV<br />Pas vendimit të gjykatës së krimeve të rënda, për sekuestrimin e pasurive të grupit të trafikut të kokainës në Spanjë, Vizion Plus ka zbardhur vendimin në të cilin renditen të gjitha pasuritë e identifikuara të këtij grupi.<br /><br /><br /><br />Dhjetëra llogari bankare, biznese, apartamente, njësi tregtare, automjete dhe garazhde në emër të grupit, të të dyshuarve u sekuestruan nga Policia e Shtetit, pas vendimit të datës 3 shtator të gjyqtarit Bib Ndreca.<br /><br /><br /><br />Në total vlera e pasurive të sekuestruara në emër të anëtarëve të këtij grupi të trafikut të kokainës, sipas policisë shkon në rreth 5 milionë euro. Prokurorët e krimeve të rënda dhe oficerët e njësisë së Task Forcës në Policinë e Shtetit, po kërkojnë për gjurmë të reja per pronat e këtij grupi.<br /><br /><br /><br />Shoqëria ndërtuese ?Ardaro?, bashkë me asetet e saj janë vënë në sekuestro.<br /><br />Në listën e pasurive të sekuestruara janë tri njësi tregtare me sipërfaqe rreth 500 metra katrorë si dhe tetë llogari bankare me rreth 20 mijë euro.<br /><br /><br /><br />Po ashtu në listën e pasurive të sekuestruara janë renditur 5 garazhde që ndodhen në zonat më të rëndësishme të Tiranës.<br /><br /><br /><br />Ky sekuestrim vjen pas shkëmbimit të informacioneve mes autoriteteve shqiptare dhe atyre spanjolle, në kuadër të hetimit të grupit të Julian Deblinit dhe Arjan Ndocit.<br /><br /><br /><br />Këta të fundit janë arrestuar nga policia spanjolle me 30 prill 2018, pas një hetimi në të cilin u përfshinë DEA amerikane dhe Interpoli.<br /><br /><br /><br />Në përfundim të operacionit policia spanjolle kapi 1 ton kokainë që vinte nga Amerika Latin.<br /><br /><br /><br />Po ashtu në një valixhe autoritetet zbuluan edhe një sasi prej rreh 1.5 milionë euro që dyshohet se ishin pjesë e parave të përdorura për blerjen e droges.<br /><br /><br /><br />Këtë aktivitet dy të arrestuarit kishin vite që e ushtronin, ndërsa të ardhurat nga tregtia e paligjshme e kokainës i kishin investuar në shoqëri ndërtimi në Shqipëri, pasuri të paluajtshme dhe llogari bankare.
