Kryeministrja e Serbisë, Ana Brnabiç, i ka quajtur shqiptarët si të paparashikueshëm dhe ka thënë se Kosova nuk respekton marrëveshjet. "Jemi në gjendje të reagojmë", ka thënë ajo.<br /><br />Reagimet në Serbi kanë qenë të ashpra. Kanë reaguar ministri i mbrojtjes, i policisë dhe ai i jashtëm. Vizitën e Presidentit serb e kanë quajtur historike dhe kanë shkuar deri tek mundësia e intervenimit me ushtri nëse është e nevojshme. Gazetari, Zoran Panovic, thotë se tani fillon realiteti i marrëdhënieve Beograd-Prishtinë.<br /><br />?Ka qenë një fjalim me mesazhe paqeje me idenë se Vuçiç është i gatshëm për kompromis dhe vendime të mëdha, por nuk ka sqaruar thelbin e fjalës së vitit-përkufizimin?, tha gazetari Zoran Panoviç.<br /><br />Deputeti i opozitës, Gjorgje Vukadinoviç, thotë se vizita ka edhe pasoja negative.<br /><br />?Ky incident sa spontan edhe aq me regji u ka leverdisur të dyja palëve. Mund të ketë efekte negative për serbët e Kosovës, por jo për dialogun. Vuçiç ka ngritur kredibilitetin patriotik dhe njëkohësisht është edhe pacifist.?<br /><br />Një pjesë e shtypit serb shkruan se edhe pas vizitës në Kosovë ende nuk dihet ideja e qartë e zgjidhjes pasi, Alleksandar Vuçiç, nuk tha gjë të re.
