Autoriteti i Mediave Audiovizive ka mbyllur transmetimet analoge audiovizive për qarqet e Tiranës dhe Durrësit. Në këto dy qarqe ku banojnë rreth 1/3 e popullsisë së Shqipërisë, transmetimet televizive tashme do të jenë vetëm dixhitale.<br /><br />Duke e konsideruar një hap të rëndësishëm për televizionet, kreu i AMA-s, Gentian Sala tha se deri tani janë shpërdarë falas 88 mijë dekodera për familjet në nevojë.<br /><br />"Ndihmë ekonomike është dhënë për të paktën 88 mijë qytetarë, që është një numër jo i vogël krahasuar edhe me eksperiencat e vendeve të tjera të rajonit".<br /><br />Fushata për informimin e opinionit publik ka nisur prej një viti e gjysëm, u shpreh Sala, që vuri në dukje se qytetarët shqiptarë kanë një traditë të gjatë me transmetimet dixhitale.<br /><br />"Ka të paktën një vit e gjysëm që Autoriteti i Mediave Audivizive ka bërë fushatë për inforimimin publik, ndërsa historia e dixhitalizimit në Shipëri është mbi 10-vjeçare si asnjë vend tjetër i rajonit".<br /><br />Në mbyllje, kreu i AMA tregoi se Shqipëria ka një numër të lartë të kanaleve pa pagesë, gjithsej 34 të tillë, me cilësi të lartë transmetimi.<br /><br />"Për publikun është ditë e rëndësishme, nga sot do të ketë të paktën 34 kanale pa pagesë për publikun shqiptar. Normalisht, këta persona që kanë mundësi ekonomike mund të zgjedhin mes platformave të ndryshme numerike".<br /><br />Fikja e transmetimeve analoge nga televizionet kombëtare apo ato lokale e rajonale, është shoqëruar edhe me mbylljen e transmetimeve digjitale të palicencuara.
