http://www.vizionplus.tv<br />https://facebook.com/VizionPlusTV<br />https://instagram.com/vizionplustelevizion<br />https://twitter.com/VizionPlusTV<br />Për të pestën herë radhazi, pretenca ndaj Emiliano Shullazit dhe pjesëtarëve të tjerë të grupit të tij u shty në procesin që zhvillohet në Gjykatën e Krimeve të Rënda.<br /><br /><br /><br />Asnjë prej të akuzuarve nuk ishte i pranishëm, por jashtë gjykatës masat e sigurisë ishin të rrepta. Efektivë të njësisë Shqiponja, të komisariatit nr.3 të dhe agjentë civilë të policisë së Tiranës mbikëqyrën zonën përreth Gjykatës.<br /><br /><br /><br />Debatet në sallën e gjyqit nuk munguan. Shkak u bë zëvendësimi i prokurores Elisabeta Imeraj, nga ish- drejtuesi i Prokurorisë së Krimeve të Rënda Besim Hajdarmataj. Imeraj është komanduar tashmë nga prokurorja e përgjithshme Arta Marku, në krye të organit të akuzës së Tiranës.<br /><br /><br /><br />Prokurori tjetër i çështjes, Ened Nakuçi, nuk qe i pranishëm për shkak të problemeve shëndetësore.<br /><br /><br /><br />Prokurori Hajdarmataj kërkoi kohë që të njihej me aktet e dosjes.<br /><br /><br /><br />Por Avokatët Ravik Gurra dhe Vladimir Meçe e konsideruan të papërshtatshëm që përfaqësuesi i akuzës të ishte Hajdarmataj.<br /><br /><br /><br />?E kemi shprehur shqetësimin për ndërhyrje të papërshtatshme të ish-drejtuesit të prokurorisë në këtë çështje.?<br /><br /><br /><br />Avokti Gurra pretendoi se organi i akuzës është përpjekur të krijojë prova dhe jo të zbardhë çështjen.<br /><br /><br /><br /><br /><br /><br /><br />Në fund të seancës gjyqtari Fran Prendi vendosi të shtyjë pretencën për seancën e ardhshme pas dy javësh.<br /><br />Grupi kriminal që sipas prokurorisë drejtohet nga Emiliano Shullazi, akuzohet për krijimin e grupit të strukturuar kriminal, kanosje për shkak të detyrës ndaj rektorit të universitetit të Tiranës Mynyr Koni dhe paraardhësit të tij Dhori Kule. Ndaj grupit rëndon po ashtu, akuza e shtrëngim me anë të kanosjes për dhënie pasurie, ndaj Ylvi Beqjes. Kjo për shkak të konfliktit mes tyre për ish- hotel "Vollgën" në Durrës. Veç Emiliano Shullazit, si pjesëtarë të tjerë të grupit akuzohen Gilmando Dani, Blerim Shullazi, Endrit Qyqja dhe Endrit Zela.
