Durim Bami, një emër i njohur për drejtësinë është ndaluar në zonën e Niklës të Krujës, bashkë me 10 persona të tjerë, në një operacion të gjerë të Policisë së Shtetit.<br /><br />Përveç Durim Bamit, burime nga policia e cila ende nuk ka bërë një njoftim zyrtar, bëjnë me dije se janë ndaluar edhe emra të tjerë me precedentë kriminalë. Mësohet se të shoqëruar në policisë e Durrësit janë Flamur Haka, i konsideruar si person me rrezikshmëri të lartë dhe person i kërkuar nga policia.<br /><br />Po kështu janë shoqëruar edhe Marenglen Haka, Bedri Haka, Valter Bami dhe Ylli Cangu. Ende nuk dihet arsye e ndalimit të këtyre personave, ndërsa zona e Niklës njihet si vendi ku qëndrojnë persona me rrezikshmëri të lartë dhe me precedentë kriminalë.<br /><br />Aksioni nisi rreth orës 04:00 të mëngjesit, ku forca të Ndërhyrjes së Shpejtë dhe Forcat Speciale të RENEA-s kanë ushtruar kontrolle në banesat e personave të dyshuar si kontigjent kriminal. Operacioni është ndjekur nga afër nga Drejtori i Policisë së Shtetit, Ardi Veliu.<br /><br />Në momentin që policia ka zhvilluar operacionin është shkëputur edhe energjia elektrike në fshatin Nikël. Mësohet se gjatë operacionit, uniformat blu kanë sekuestruar një mjet të blinduar, si dhe municione luftarake.<br /><br />Pak ditë më parë, Policia e Shtetit ka zhvilluar një operacion të ngjashëm në qytetin e Shkodrës, ku vuri në pranga 4 persona të dyshuar si anëtarë të grupeve kriminale në këtë qytet.<br /><br />Tv Klan
