http://www.vizionplus.tv<br />https://facebook.com/VizionPlusTV<br />https://instagram.com/vizionplustelevizion<br />https://twitter.com/VizionPlusTV<br />Fikja e sinjalit analog në Tiranë e Durrës dy ditë më pare, ka bërë që katër anëtarë të Autoritetit të Mediave Audiovizive të kërkojnë dorëheqjen e kreut të institucionit Gentian Sala.<br /><br /><br /><br />Anëtarët e AMA-s bëhet me dije se përmes një letre drejtuar Komisionit të Medias në Kuvend do të kërkojnë shkarkimin e Salës. Ndërkohë propozimi për shkarkimin e kreut të AMA-s, është firmosur nga anëtarët Sami Neza, Suela Musta, Zylyftar Bregu dhe Agron Gjekmarkaj.<br /><br /><br /><br />Vendimi është marrë sot në një mbledhje të bordit të AMA-s, mbledhje e cila është shoqëruar me debate me anëtarëve të bordit dhe kryetarit Gentian Sala.<br /><br /><br /><br />Gjithashtu anëtarët e AMA-s në argumentin e tyre, pretendojnë se kryetari Sala nuk është konsultuar me bordin e institucionit për fikjen e sinjalit analog në Tiranë e Durrës. Sipas tyre, vendimi për fikjen e sinjalit analog sjell cënimin e të drejtës kushtetuese të qytetarëve për informim. Ata kanë propozuar një plan masash në mënyrë që situata të mos përsëritet në janar të vitit 2019.<br /><br /><br /><br />Fikja e transmetimeve analoge në dy qarqet më të mëdha të vendit Tiranë e Durrës, duket se i gjeti të papërgatitur qytetarët, ndryshe nga disa qytete të tjera si Korca, Fieri apo Berati, kjo për shkak të platformave kabllore me të cilat janë pajisur qytetarët atje.<br /><br /><br /><br />Pas ankesave të shumta, AMA vendosi një ditë më parë të shtyjë me 4 muaj fikjen e transmetimeve analoge.
