http://www.vizionplus.tv<br />https://facebook.com/VizionPlusTV<br />https://instagram.com/vizionplustelevizion<br />https://twitter.com/VizionPlusTV<br />Në vigjilje të referendumit të 30 shtatorit në Maqedoni, liderët politikë vijojnë të zhvillojnë takime intensive për të siguruar votën pro që do të sjellë ndryshimin e emrit të vendit.<br />Kryeministri Zoran Zaev ndërkohë mban këtë të enjte fjalën në seancën plenare të Parlamentit Europian, lidhur me anëtarësimin e Maqedonisë në BE pas votimit të pritshëm të 30 shtatorit.<br />Mbështetjen për referendumin si një parakusht për anëtarësim në strukturat euroatlantike e dha edhe kryediplomati shqiptar Ditmir Bushati, i cili vijon takimet me liderët shqiptarë në Maqedoni.<br />Ndërkohë, këtë të enjte Shkupin e viziton ndihmës sekretari amerikan Wes Mitchell dhe në mbrëmje zyrtarja e lartë e Bashkimit Europian, Federica Mogherini.<br />Ajo do te takohet me të gjithë liderët e institucioneve si dhe me opozitën.<br />Në Maqedoni tashmë fushata ka filluar zyrtarisht dhe nëse qytetarët votojnë pro marrëveshjes me Greqinë për emrin, ata do t?i hapin rrugë anëtarësimit në NATO.<br />Më herët liderë të tjerë si Angela Merkel, Sebastian Kurtz e Jens Stoltenberg bënë apel nga Shkupi për pjesëmarrje në referendum.
