Subscribe në Ora News këtu http://bit.ly/1s5j7UT<br />Një ditë pas aksionit të forcave në Nikël të Krujës në përfundim të të cilit u arrestuan pesë persona, policia e Shtetit ka publikuar pamjet e operacionit Forca e Ligjit përmes kamerave të saj.<br /><br />Ishte ora 05:30 minuta e mëngjesit të 12 shtatorit, kur në fshatin Nikël u ndërpre energjia elektrike dhe grupet e forcave speciale të RENEA-s e FNSH nisën kontrollet në shtëpinë e personave të dyshuar për veprimtari kriminale<br /><br />Efektivët e Policisë dëgjohen ndërsa paralajmërojnë pronarët e banesave ër aksionin dhe u kërkojnë të hapin dyer e të mos reagojnë pasi janë të rrethuar.<br /><br />Bazuar në urdhra kontrolli të miratuar me vendim te Gjykates, Policia e Shtetit ushtroi kontrolle në banesa të përdorura prej personave të dyshuar si anëtarë te grupeve kriminale që dyshohet se veprojnë në trekëndëshin Krujë-Durrës-Tiranë<br /><br />Aksioni nuk hasi rezistencë ndërsa gjatë ndërhyrjes u shoqëruan 11 persona, por urdhërarrestet u prenë vetem për pesë prej tyre. <br /><br />Konkretisht u arrestuan Lutfi Haka 67 vjeç, Marklen Haka 27 vjeç, Ylli Çangu, 42 vjeç, Skënder Leza, 34 vjeç, Valter Bami,.32 vjeç.<br /><br />Policia deklaroi se aksioni ishte finalizim i një pune hetimore disa mujore mbi veprimtarinë e Grupit të Niklës, me përgjime gjurmim e mbledhje të dhënash në rrugë operative.<br /><br />Gjatë kontrollit të banesave dhe ambienteve të tjera, policia gjeti dhe sekuestroi, armë zjarri, një prej të cilave me dylbi, municione, mjet të blinduar, euro, dollarë e lekë si dhe sende të tjera të poseduara në mënyrë të paligjshme.<br /><br />Në video bie në sy se një nga të arrestuarit mbante tek koka e krevatit një armë gjahu, ndërsa një tjetër bashkë me pushkën mbante në shtëpi edhe në shpatë mesjetare.<br /><br />Ndaj të arrestuarve është ngritur akuza armbajtje pa leje dhe pastrim i produkteve të veprës penale, ndërsa hetimet për tej do ti ndjekë prokuroria e Krujës.<br />Për më shumë lexoni në: <br />http://www.oranews.tv/article/policia-hape-deren-publikohen-pamjet-e-operacionit-ne-nikel-te-krujes
