Subscribe në Ora News këtu http://bit.ly/1s5j7UT<br />Në mbledhjen e jashtëzakonshme të grupeve parlamentare opozitare në Durrës, kryetari i PD, Lulzim Basha paralajmëroi se nga nesër do të publikohen fakte që ai i quan tronditëse, për ndikimin e ministrave duke i lënë lojrat e fatit nën kontroll të kriminelëve. Deklarata e Bashës erdhi në momentin kur parlamanti rrëzoi dekretin e presidentit për ligjin e tatimit mbi të ardhurat.<br /><br />Basha: Sot Kuvendi, foleja e krimit do të hedhë poshtë dekretin e presidentit që kthen pas një nga aktet më korruptive të Edi Ramës, ligjin fiskal për lojrat e fatit. 23% paguajnë bizneset e ndershme nga taska progresive, frymëmarrëse dhe i detyron të mbyllin dyert 45 biznese në ditë. Por për lojrat e fatit taksa e ulët 15%. Ju kujtohet si erdhën me tam tame të mëdha dhe thanë do të mbyllim lojrat e fatit. Shikni shifrat, kanë shkuar nga 928 në 4200 pika për lojra fati. Pse?! Përgjigjia është e thjeshtë. Pyesni Agron Xhafën, pyesni Olsi Ramën dhe nëse nuk i gjeni dot, pyesni vëllezërit e tyre, kryeministrin e Shqipërisë dhe ministrin e Brendshëm. Duke nisur që nesër PD do të publikojë fakte tronditëse, që tregojnë sesi Rama dhe Fatmir Xhafaj kanë përdorur pushtetin politik për të ndihmuar bandat e krimit të organizuar për të shtënë në dorë lojrat e fatit dhe për ti përdorur ato për aktivitetin kriminal, që nuk është më mbjellja e kanabist, ndonëse vazhdon. Por është pastrimi i parave të pista të kokainës, heroinës dhe aferave korruptive të Ramës dhe bandës së hajdutëve të tij në qeveri.<br /><br />Duke folur për vettingun në politikë, Basha tha se kryeministri Edi Rama nuk e do këtë, por garantoi se ai do të miratohet dhe asnje politikan me lidhje kriminale apo i korrputar nuk do të shpëtojë.<br /><br />Basha: Ju e doni vettingun politik, ju e mbështesni vettingun politik, vettingu në politikë do të bëhet! Fatmir Xhafa, Taulant Balla, Jurges Çyrbja, Edi Rama dhe kushdo tjetër që është i lidhur me krimin, do të marrë atë që meriton. Një gjysëm dyzine deputetësh, kryebashkiakë si Rroshi me shokë, janë sot jashtë politikës. Atyre do t?ju bashkohen edhe politikanët e lidhur me krimin. Vettingu në politikë nuk e përjashton hetimin nga drejtësia. Ai është një proces paralel me hetimin nga drejtësia.<br /><br />Prej disa ditësh kryeministri Edi Rama ndodhet në SHBA dhe qëllimi i vizitës sipas kreut të opozitës është ky:<br /><br />Basha: Zhduket pesë ditë në Nju Jork. Pse? Që të bëjë gati një tjetër vjedhje me ligj, të vjedhë territorin e konsullatës shqiptare në Nju Jork për të ndërtuar atje një grataçelë me miqtë e tij dhe për të marrë pjesën e tij nga kjo pronë publike e shtetit shqiptar.<br /><br />Ndërkohë Basha iu përgjigj pozitivisht, kreut të PDIU-së, Shpëtim Idrizi, për të bashkëpunuar në opozitë. Ai tha se e mirëpret këtë kërkesë bazuar mbi parimet dhe objektivat që opozita ka shpallur, për të çliruar vendin nga bashkëqeverisja me krimin.<br />Për më shumë lexoni në: <br />http://www.oranews.tv/article/basha-paralajmeron-publikimin-e-fakteve-tronditese-te-lidhjes-se-qever...
