Subscribe në Ora News këtu http://bit.ly/1s5j7UT<br />Një 32 vjeçar u arrestuar nga policia e Vlorës në kuadër të operacionit antidrogë të koduar "Preçizioni".<br /><br />Në pranga përfundoi Besmir Lupi, i akuzuar nga policia si pjesëtarë i një grupi të strukturuar kriminal në fushën e narkotikëve. <br /><br />I riu është pjesëtar i grupit që kryente trafik të sasive të mëdha të drogës të drejtuar nga Met Kanani, i arrestuar kohë më parë në Turqi.<br /><br />Ndaj Lupit, Gjykata e Krimeve të Rënda ka lëshuar urdhrin e arrestit më 11 maj 2018, për trafik droge në bashkëpunim dhe për pjesëmarrje në një grup të strukturuar kriminal<br /><br />Policia shqiptare bëri me dije se më 11 maj kishte kryer goditjen e një grupi që kishte kryer trafikun e sasive të mëdha të drogës drejt vendeve të BE-së. Në krye të grupit sipas policisë ishte Met Kanani, ndërsa janë arrestuar edhe 4 financuesit, 8 ndërmjetësuesit, transportuesit dhe magazinieri. <br /><br />Në kuadër të këtij operacioni të koduar "Precizioni" të nisur në shtator 2017, janë arrestuar gjithsej 66 persona si dhe janë sekuestruar 8.4 ton drogë. Ndërsa në maj u ekzekutuan 13 urdhërarreste në Shqipëri.<br /><br />Arrestimet u kryen në Tiranë, Elbasan, Fier, Vlorë, Lezhë, Korçë dhe Shkodër.<br /><br />Ndërkohë, disa pjesëtarë të këtij grupi të strukturuar kriminal që operonte në disa shtete për trafikimin e drogave, ndodhen tashmë në burg në Maqedoni dhe në Turqi ku është i arrestuar dhe Met Kanani muaj më parë.<br /><br />Për më shumë lexoni në: http://oranews.tv/article/arrestohet-ne-vlore-nje-tjeter-pjesetar-i-grupit-kriminal-te-met-kananit
