Spitali rajonal i Fierit, një nga më të mëdhenjtë në gjithë vendin është bërë tashmë pjesë e eksodit masiv të largimit të mjekëve.<br /><br />Vetëm gjatë muajve të këtij viti nga Qarku i Fierit mësohet të jenë larguar 13 mjekë, duke sjellë kështu shtim të bluzave të bardha që largohen jashtë vendit.<br /><br />Nga burime për Report TV mësohet se në rrethin e Fierit ka disa mungesa mjekësh specialist, si mjek neurolog, imazheri, por edhe pediatri. <br /><br />Presidenti i këshillit Rajonal Fier të Urdhërit të Mjekut, mjeku specialist Obsteter, Besnik Brahimaj, tregon për Report TV se ka pasur kërkesa largimesh gjatë kohëve të fundit duke shpjeguar edhe arsyet që i detyrojnë mjekët shqiptarë shkojnë për të punuar jashtë vendit.<br /><br />Këto 2-3 vitet e fundit kemi një largim masim të mjekëve. Për vitin 2018 janë larguar 13 mjekë gjithsej dhe janë në proces disa mjekë specialist.<br /><br />Besnik Brahimaj, mjek <br />Sipas Brahimajt, vendi që kanë zgjedhur mjekët shqiptarë për të emigruar ka qenë Gjermania. Mjeku rendit edhe mungesat e mjekëve specislistë në rrethin e Fierit, që sipas tij sjell mbingarkesë për mjekët që shërbejnë aty. <br /><br />Pati një largim të specialiteteve, nuk pati specializimi për mjekët e rinj. Nuk u krijuan kushtet normale të përshtatshme për të punuar dhe pagat e ulëta.<br /><br />Besnik Brahimaj, mjek <br />Mjeku thekson se edhe tani ka një interesim të mjekëve për t?u larguar jashtë shtetit, të cilët kanë nisur edhe kurset e gjuhës gjermane.<br /><br />Spitali rajonal i Fierit është adresimi për problemet shëndetësore jo vetëm të qytetareve te qytetit të Fierit, por edhe të Ballshit, Patosit, Lushnjës dhe Beratit.<br /><br />Largimi i 13 mjekëve në më pak se një vit sjell kështu rritjen e hendekut për plotësimin të nevojave dhe shërbimeve për pacientët në këtë spital.
