Kur kanë mbetur edhe pak ditë nga fillimi i vitit të ri shkollor, në Lezhë ka probleme të theksuara me infrastrukturën shkollore.<br /><br />E tillë është shkolla 9-vjeçare në Ishull-Shëngjin ambjentet e të ciles janë tërësisht të amortizuara, ndërsa në kohët me shi fëmijët duhet të dërgohen nga prindërit pasi oborri mbulohet nga uji.<br /><br />Mjedisi i brendshëm dhe i jashtëm është i shkatërruar. Javët e fundit Bashkia ka ndërhyrë por ndërhyrja ka qënë e pjesshme. Kjo shkollë ka nevojë për një rikonstruksion total.<br /><br />Ded Luli, drejtor i Shkollës Ishull-Lezhë<br />Problematika pranohet edhe nga Drejtori i Arsimit në Lezhë Bardhok Pulaj. Ai thotë se Bashkia duhet të hartojë projektin për rikonstruksionin e plotë të kësaj shkolle.<br /><br />Janë shkolla që kanë probleme në infrastrukturën e tyre. Duhet që Bashkia duhet të hartojë projekte që të financohet rikonstruksioni i tyre.<br /><br />Bardhok Pulaj, drejtor i Arsimit Lezhë<br />Një problematikë e ngjashme është e në fshatin Samurrë të Elbasanit. Shkolla e këti fshati është tërësisht e rrënuar, pamjet filmike tregojnë gjendjen e mjeruar të shkollës së cilës i është vënë kyçi.<br /><br />Banorët e këtij fshati e pranojnë rrezikun që mbart zhvillimi i mësimit në këtë godinë, por nga ana tjetër kundërshtojnë dërgimin e fëmijëve larg në shkollat e Elbasanit. Sipas tyre ata nuk kanë mundësi financiare, por as kohën e duhur të shoqërojnë të vegjëlit në shkollë.<br /><br />Nëse kjo shkollë do të mbyllet këta fëmijë do të mbesin pa shkollë sepse nuk ka një urban që t?i çojë fëmijët në Elbasan.<br /><br />Prindërit<br />Edhe fëmijët kanë frikë të mësojnë në shkollën e fshatit, por nga ana tjetër nuk duan që shkolla të jetë larg shtëpisë.<br /><br />Dua që të rregullohet shkolla këtu dhe të mos kemi frikë që të shkojnë në shkollë.<br /><br />Fëmijët<br />Ndërkohë DAR Elbasan ka bërë me dije se mbyllja e shkollave është bërë për t'i ardhur në ndihmë komunitetit, për të patur institucione arsimore më efektive dhe se transporti për këta nxënës do të jetë falas.
