Dokumente dhe shkrime që mbajnë firmën e aktorit më famë botërore Aleksandër Moisiu janë ekspozuar për herë të parë në Shkodër, falë punës së studiuesit Pjetër Logoreci! Ekspozita është hapur në hollin e Teatrit Migjeni falë mbështetjes së konsullatës se Austrisë në Shkodër.<br /><br />Janë momente të shënuara të jetës së artistit, por edhe dokumente e shkrime të papublikuara më parë, si: shkrimi i fundit në momentet e agonisë së vdekjes, kartela mjekësore që ndërroi jetë, dokumenti i pagëzimit etj.<br /><br />Tamam tema e ditës, është të jetosh apo të mos jetosh një Shqipëri, ku njerëzit kanë frikë nga të dalin në rrugë nga krimi e bandat. Ky është mesazhi që ka dashur të thotë autori.<br /><br />Pjetër Logoreci, autori i ekspozitës<br />Por Pjetër Logoreci, në hapje të ekspozitës është surprizuar edhe nga një dhuratë e vecantë nga skulptori Ferid Kola, por që Pjetër Logoreci e cilëson si antitezën më të saktë për atë që po kalon Shqipëria përballë krimit. Për krijuesin e kësaj skulpture, Ferid Kola, Shqipëria vetëm nëpërmjet dialogut mund të dalë nga kjo situatë e vështirë ku është përfshirë.<br /><br />Ky është një mesazh për të gjitha pisllëqet që kanë ndodh në qytet. Të rrosh a të mos rrosh në Shkodër, unë them me nejt në Shkodër sepse është e jona.<br /><br />Ferid Kola, Skulptor<br />Kryetarja e Bashkisë Shkodër, Voltana Ademi dhe konsulli i Austrisë në Shkodër, kanë vlerësuar këtë ekspozitë dhe lidhjet mes dy vendeve, Austrisë dhe Shkodrës.<br /><br />Ekspozita kushtuar aktorit Aleksandër Moisiu, do të rrugëtojë në të gjitha trojet shqiptare. Ai lindi më 2 prill të vitit 1879 në Trieste dhe vdiq më 23 mars 1935 në Vjenë.
