Një shpërthim tritoli ka ndodhur pak pas mesnatës së kësaj të diele në qytetin e Pogradecit, në lulishten e banesës së një 60-vjeçari. Shpërthimi ka ndodhur rreth 20 metra larg mureve të banesës.<br /><br />Burime për Report Tv bëjnë me dije se tritoli lulishtja e banesës ku ka shpërthyer tritoli ka qenë në pronësinë e një biznesmeni, i cili mësohet se është Bajram Fejzollari. Fatmirësisht, nga shpërthimi nuk ka patur as dëme materiale dhe as të dëmtuar.<br /><br />Biznesmeni ka deklaruar në polici se nuk ka patur konflikte me asnjeri. Report Tv ka mësuar se Fejzollari është pronar i një lokali në qytetin e Pogradecit dhe i një televizioni dhe disa bizneseve të tjera. Po punohet për zbardhjen e plotë të rrethanave të ngjarjes.<br /><br />Njoftimi i plotë:<br /><br />Pogradec<br />Informacion paraprak.<br /><br />Më datë 16.09.2018, rreth orës 00:45, në lagjen nr 1 në Pogradec, në lulishten e banesës së shtetasit B.F, 60 vjeç, ka shpërthyer një sasi e vogël lënde shpërthyese.<br /><br />Nga shpërthimi, nuk ka as dëme në njerëz dhe as dëme materiale.<br /><br />Po punohet për zbardhjen e rrethanave të ngjarjes, identifikimin dhe kapjen e autorëve.
