Qeveria ka vendosur të shtyjë me një vit efektet e ligjit për investimet strategjike. Nisma i jep të drejtë çdo investitori të huaj apo shqiptar që në bazë të vlerës së investimit e cila varion nga 1 deri në 30 milionë Euro, të marrë statusin e investitorit strategjik me procedurë të asistuar, duke përfituar shkurtim të procedurave dhe vënien në dispozicion të pronave shtetërore për qëllime të biznesit të tij.<br /><br />Për vlera investimi mbi 50 milionë Euro, investitori merr statusin strategjik me procedurë të veçantë, ku përveç tokës publike, kompania ka të drejtë kërkojë shpronësim edhe për pronat private.<br /><br />Ndryshimi i jep afat edhe një vit propozimeve për investimet në fushën e energjisë, minierave, transportit, turizmit dhe bujqësisë. Me përfundimin e efekteve të këtij ligji, ekzekutivi po planifikon ndryshimin edhe të ligjit për investimet e huaja.<br /><br />Drafti parashikon që mbrojtje të veçantë shtetërore nuk do të kenë vetëm shtetasit e huaj, por dhe shqiptarët. Në fund të vitit 2019-ë, titulli i tij do të jetë ?ligji për investimet?, duke mos i dhënë më trajtim preferencial vetëm bizneseve të huaja, por do të trajtojë njësoj edhe kompanitë shqiptare në bazë të vlerës së investimit që do të bëhet.<br /><br />Statusi i mbrojtjes shtetërore sot jepet me vendim të Këshillit të Minsitrave në rastin e koncesioneve, pronave shtetërore që të vëna në dispozicion të investitorit, apo zgjidhjes së konflikteve që ai ka me palë të treta, vetëm për firmat e huaja.<br /><br />Tv Klan
