Në ditën ndërkombëtare të pastrimit kreu i bashkisë së Vlorës, Dritan Leli i shoqëruar nga gazetarët e qytetit, si dhe punonjësit e pastrim gjelbërimit kanë zgjedhur gadishullin e Karaburunit për të pastruar mbetjet e hedhura nga vizitorët.<br /><br /> Edhe pse një territor me pamje të mrekullueshe, një atraksion i rëndësishëm gjatë sezonit turistik edhe në këtë hapësirë janë hedhur mbetje të ndryshme. Kreu i Bashkisë bregdetar, Leli është shprehur se përzgjedhja e karaburunit për pastrim është për ta bërë atë sa më atraktive.<br /><br />Unë bashkë me gazetarët e qytetit jemi këtu për të filluar një aksion për pastrimin e plazheve. Ne e duam Vlorën turistike, duam natyrën e mrekullueshme që i është falur këtij qyteti por duhet të jemi të përgjegjshëm në momentin që shfrytëzojmë këto hapësira për të mirën tonë.<br /><br />Dritan Leli, kryebashkiak i Vlorës<br />Aksioni të pastrimit i është nënshtruar edhe shpella e Haxhi Aliu, ku sipërfaqja nënujore është pastruar nga mbetje të cilët janë hedhur nga vizitor të papërgjegjshëm.<br /><br />Në këtë ditë për plazhe të pastra jemi për të pastruar me zhytës profesionistë për të shpërndarë mesazhin që të vijnë të shijojnë burukrinë por mos të ndotin. Tek e fundit kjo shpellë ka qënë këtu dhe këtu do të vazhdojë të qëndrojë.<br /><br />Dritan Leli, kryebashkiak i Vlorës<br />15 shtatori i vitit 2018 shënon ditën kur rreth 5 % e popullsisë së botës kanë marrë pjesë në aktivitetin e përbashkët ?Ta Pastrojmë Botën Në Një Ditë?, i cili ka për qëllim rritjen e vëmëndjes së qytetarëve për mbrojtjen e mjedisit.<br /><br />Aktiviteti është mbajtur në mbi 200 shtete, pjesë e Lëvizjes Botërore ?Let?s Do It World?, në mesin e të cilëve është edhe Lëvizja ?Ta Pastrojmë Shqipërinë?.
