Subscribe në Ora News këtu http://bit.ly/1s5j7UT<br /><br />Pas publikimit të një video ku kryebashkiaku i Tepelenës shfaqet duke kënduar këngë për Enver Hoxhen gjatë një darke zyrtare, PD ka kërkuar shkarkimin e tij. Madje selia blu i ka bërë thirrje edhe Prokurorisë që të nisë hetimet ndaj Tërmet Peçit pasi sipas PD ai ka sfiduar ligjin dhe demokracinë.<br /><br />Në këtë video (shikoni kronikën) kryetari i Bashkisë së Tepelenës, Tërmet Peçi shfaqet duke kënduar këngë për Enver Hoxhen.<br /><br />Në pamje shihet se si kryebashkiaku shoqëron me zë Golikun e famshëm të Bënçës, në këngën ku i thuren lavde diktatorit Hoxha, në darkën zyrtare të shtruar nga Bashkia me rastin e 75 vjetorit të çlirimit të qytetit.<br /><br />PD e ka cilësuar skandaloze këtë vepër të kryebashkiakut dhe për këtë deputeti demokrat Tritan Shehu i ka kërkuar kryeministrit Rama shkarkimin e Tërmet Peçit nga detyra.<br /><br />"I kerkoj Kryeministrit, si deputet i Qarkut, të shkarkojë mënjëherë Kryetarin e Bashkisë së Tepelenes,Termet Pecin. Gjithashtu Prokuroria duhet të veprojë ndaj tij për shkelje të ligjit.?<br /><br />Me anë të një statusi në rrjetin social facebook, demokrati i bën thirrje edhe opinionit publik që të reagojnë ndaj këtij skandali dhe turpi të vërtetë, siç e quan ai.<br /><br /> ?Një sfidë e vërtetë kjo ndaj ligjit, demokracisë, një arrogancë e pa kufi ndaj ish të përsekutuarve, ndaj gjithë këtij populli që e pagoi shumë shtrenjtë atë diktaturë të egër.?<br /><br />Shehu e mbyll statusin e tij me një pyetje drejtuar kryeministrit Rama, se çdo të ndodhte në Gjermani apo Itali sikur një kryetar Bashkie t?i thurte lavde në një ceremoni zyrtare Hitlerit apo Musolinit?!<br /><br />Por vetë kryebashkiaku Peçi në një reagim për Ora News shprehet: "Ia kam lënë Tritan Shehut të merret me këtë çështje".<br /><br />Për më shumë lexoni në: http://www.oranews.tv/article/shehu-te-shkarkohet-kryebashkiaku-termet-peci-i-kendoi-enver-hoxhes
