Në disa akse të kryeqytetit që prej mëngjesit u vu re sot një trafik i rënduar për shkak të nisjes së vitit të ri shkollor.<br /><br />Situatë më problematike ka qenë në zonat pranë shkollave, ku kanë qenë të stacionuar edhe efektivë të policisë rrugore. Një ditë më parë policia rrugore u kërkoi prindërve të shmangin qarkullimin me automjete dhe të përdornin transportin publik, ndërsa në zonat përreth shkollave nuk është lejuar parkimet i automjeteve.<br /><br />Janë 480 mijë nxënës në të gjithë vendin që nisin sot vitin e ri shkollor. 32 mijë do të ulën për herë të parë në bankat e shkollës.<br /><br />Ministrja e Arsimit, Lindita Nikolla, përmes një videomesazhi uroi nisjen e viti të ri mësimor, ndërsa Kryeministri dhe anëtarë të tjerë të kabinetit të jenë në shkolla të ndryshme për të uruar nxënësit.
