http://www.vizionplus.tv<br />https://facebook.com/VizionPlusTV<br />https://instagram.com/vizionplustelevizion<br />https://twitter.com/VizionPlusTV<br />Sekretari amerikan i Mbrojtjes, Xhejms Mattis nisi mëngjesin e kësaj të hëne vizitën e tij në Shkup. Ai u prit në aeroport nga ministrja e mbrojtjes, Radmila Sheqerinska, ndërsa me pas zhvilloi takim me kryeministrin Zoran Zaev në selinë e qeverisë.<br /><br />Biseda mes Matis dhe Zaev fokusohet tek referendumi i 30 shtatorit.<br /><br /><br /><br />Një javë më parë, sekretari amerikan Mattis paralajmëroi se do të vizitojë Maqedoninë për të shprehur mbështetjen e SHBA për referendumin, por edhe shqetësimin për përfshirjen e mundshme të Moskës në proces.<br /><br /><br /><br />Më herët edhe sekretari i përgjithshëm i NATO-s Jens Stoltenberg ka akuzuar Rusinë se po perpiqet te pengoje anëtarësimin e vendit ne strukturat euroatlantike.<br /><br /><br /><br />Kjo është hera e parë në 14 vitet e fundit që një sekretar amerikan i Mbrojtjes viziton Shkupin.<br /><br /><br /><br />Vizita e Mattis vjen në një kohë që vendin fqinj kane zbarkuar brenda një kohe të shkurtër liderët europianë, që nga kancelaria gjermane Angela Merkel, ai austriak Sebastian Kurc etj.<br /><br /><br /><br />Më 30 shtator qytetarët maqedonas do të vendosin nëse janë pro apo kundër ndryshimit të emrit të vendit pas marrëveshjes se arritur me palën greke.
