Tepelene- Larg shkollës e librave, pa ndihmën e një psikologu dhe e zhytur në vetmi. Kjo është situata dramatike ku jeton 11-vjeçarja e abuzuar për gati dy vite nga mësuesi i saj 63-vjeçar në fshatin e largët Luftinje të Tepelenës.<br /><br />Ngjarja ndodhi dy muaj më parë, por kambanat e alarmit ranë sërish sot, pasi familja me 6 anëtarë, ku jeton edhe e mitura u zgjua nën frikë e terror. Persona të paidentifikuar kanë bërë terror me armë afër banesës së tyre pas mesnate. Prindërit e të miturës dyshojnë se autorët kanë lidhje me mësuesin e vajzës, i cili mund ta ketë ndërmarrë këtë akt në shenjë hakmarrje.<br /><br />Por ndërsa ngjarjen në fjalë po e heton policia, prindërit e vajzës kanë një apel të fortë për shtetin. Ata kërkojnë drejtësi, duan një të ardhme më të mirë për vajzën dhe shkollim. Sipas tyre është e papranueshme që psikologia shkon për ta parë vajzën vetëm katër muaj pas ngjarjes.<br /><br />Prindërit e së miturës në një komunikim telefonik me Report TV<br /><br />Ka shkuar në shkollë vajza?<br /><br />Babai: Kemi 4 muaj që askush nuk na jep të drejtën e vajzës, çfarë shkolle ta çoj nuk kam garanci<br /><br />Keni marrë asistencën e psikologut?<br /><br />Babai: Sot erdhi pas katër muajsh pasi ka ndodhur ngjarja<br /><br />E ndiqni më si çështje?<br /><br />Babai: Po nuk dimë asgjë, do bëhet gjyqi sot, do bëhet gjyqi nesër dhe asgjë?<br /><br />Për çfarë keni nevojë?<br /><br />Babai: Duam të drejtën e fëmijës, jetojnë me frikë pas asaj që ka ndodhur<br /><br />Çfarë kërkoni ju si nënë?<br /><br />Nëna: Vajza është larguar nga shkolla, nuk më ka mësuar<br /><br />Si është gjendja e saj?<br /><br />Nëna: Vajza nuk na përgjigjet, rri vetëm në dhomë, shikon televizor, luan me kukulla por nuk na flet
