Subscribe në Ora News këtu http://bit.ly/1s5j7UT<br /><br />Në ditën e parë të shkollës, 16 deputetë të Partisë Demokratike u shpërndanë në të gjithë vendin për të denoncuar problematikat në arsim. Edhe pse nuk janë shifra të konfirmuara, ata thanë se kanë evidentuar 133 shkolla të mbyllura në ditën e parë të vitit shkollor. Denoncimeve të opozitës, në emër të mazhorancës u ktheu përgjigje Taulant Balla nga Elbasani, i cili tha se qeveria nuk ka një shkop magjik për ta ndryshuar situatën menjëherë.<br /><br />16 deputetë të Partisë Demokratike të shpërndarë në të gjithë vendin denoncuan problematikat me arsimin në ditën e parë të shkollës.<br /><br />Luan Baçi ishte në krah të banorëve të fshatit Boçovë të Fierit që protestuan kundër mbylljes së shkollës, vendim për të cilin thanë se nuk u është marrë mendimi, ndërsa akuzuan se nuk është zgjidhur as çështja e transportit.<br /><br />Por Drejtori i shkollës ka një tjetër version, ndërsa thotë se pjesa më e madhe e prindërve kanë qenë dakord për transferimin.<br /><br />Dhurata Çupi ishte në Klos, nga ku tha se në qarkun Dibër janë mbyllur 30 shkolla dhe mungesa e kushteve ekonomike ka bërë që dhjetra nxënës të mos e nisin vitin e shkollor.<br /><br />Çupi: "Në ditën e parë të shkollës 35 nxënës të shkollës së Patinit që ditën e parë të shkollës nuk kanë pasur mundësi të vizitojnë këto klasa. Është shkollë dhe fillore dhe nëntëvjeçare.Në qarkun Dibër mbyllen rreth 30 shkolla, ku po shkojmë?"<br /><br />Deputetja Lindita Metaliaj ka denoncuar mbylljen e 9 shkollave ne qytetin e Lezhës, ndërsa Klevis Balliu tha se 7 shkolla u mbyllën në Pogradec, dhe Tritan Shehu theksoi mbylljen e18 shkollave në Gjirokastër.<br /><br />Ndërkohë që deputetët e qarkut të Elbasanit, Endri Hasa dhe Luçiano Boçi, ishin në shkollën e Bradasheshit, e cila ka kushtuar mbi 2 milionë euro nga buxheti i shtetit, por që ende nuk është hapur, për shkak të numrit të ulët të nxënësve.<br /><br />Boçi: "Braktisja e shkollës do të vazhdojë dhe për arsye të largësisë, gjendja është drmatike, kjo është situata ku e ka futur arsimin kjo qeveri. Si kjo shkollë e mesme janë mbyllur dhe 18 shkolla në Elbasan".<br /><br />Denoncimeve të ppozitës iu përgjigj nga Elbasani, Taulant Balla.<br /><br />Edhe pse nuk janë shifra të konfirmuara, ata thanë se kanë evidentuar 133 shkolla të mbyllura në ditën e parë të vitit shkollor.ër më shumë lexoni në: <br />http://www.oranews.tv/article/pd-shperndahet-ne-shkollat-e-mbyllura-ku-po-e-con-arsimin-kjo-qeveri
