ftuar në studion e Report TV, Psikologia Ornela Belba foli lidhur me problematikat e ndryshme sociale që hasin fëmijët në shkollë sot. Psikologia u ndal dhe tek fenomeni i bulizmit, i cili është shumë i përhapur në shkolla dhe një problem mjaft shqetësues për prindërit e fëmijëve, të cilët janë prekur nga bulizmi. <br /><br />1. Sot dita e parë e shkollës. Gjithmonë është folur për rolin e psikologëve në shkolla, ku jemi këtë vit të ri shkollor?<br /><br />Vite më përpara shërbimi quhej shërbim psikologjik, por vitet e fundit është quajtur shërbim psikosocial. Problematika që ne hasim janë të ndryshme. Përveç psikologëve, ky shërbim mbulohet dhe punonjësit social. Unë jam e lumtur që kultura e psikologut ka ndryshuar, të paktën tek fëmijët dhe adoleshentët, të cilët trokasin vetë për të shkuar tek psikologu. <br /><br />2. Disa prej problemeve më të shpeshta që ndeshni me fëmijët, me adoleshentët kryesisht?<br /><br />Fëmijët e vegjël kërkojnë ndihmë edhe për të rregulluar marrdhëniet me shokët, edhe kur pëlqejnë dike, pasi janë shumë të ndjeshëm në moshën e adoleshencës. Numri i divorceve është shtuar dhe ky fenomen ndikon negativisht tek ata. <br /><br />3. Sa i përhapur është bulizmi në shkollat shqiptare dhe në cilat forma ushtrohet ai?<br /><br />Bulizmi, është shumë e vështirë të kuptosh kur fëmijët janë të ngacmuar, pasi termi bulizëm do të thotë ngacmim, unë vetë kam dëgjuar bulizmin social, fizik , ku mund të ndodhin edhe konfrontimet. Bulizmi është një femonen shumë i gjerë, si prej ngjyrës së lëkurës, ardhjes krahinore. etj.<br /><br />4. Si i trajtoni raste të tilla dhe a lënë pasoja te fëmijët? <br /><br />Pasojat e bulizmit janë shumë të rënda, sa mund të çojnë edhe deri në vetvrasje, sidomos ato fëmijë që nuk e raportojnë problemin pasi kanë frikë. <br /><br />5. Sa bashkëpunues janë prindërit për problemet që kanë fëmijët A keni marrëdhënie me ta për të diskutuar rreth çështjeve të ndryshme?Apo marrëdhënia mbyllet mes jush dhe fëmijëve?<br /><br />Kjo është një pikë delikate, një ndër problemet që has shpesh në punën time të përditshme. Prindërit nuk janë shumë bashkëpunues. Për ne informimi është shumë i rëndësishëm. Rastet kanë specifikat e veta, ajo që vë re është dhuna psikologjike, fizike që kanë familjet shqiptare dhe pasojat i vuajnë fëmijët. <br /><br />6. Është i mjaftueshëm numri i psikologëve për të mbuluar të gjitha shkollat në Shqipëri?<br /><br />Një psikolog dhe një punonjës social është i domosdoshëm. Nevoja për mësuesin, psikologun punonjësin social, si në zonat rurale dhe urbane është i domosdoshëm.
