Ministri i Infrastrukturës dhe Energjisë Damian Gjiknuri është i ftuar sonte në emisionin ?5 Pyetjet nga Babaramo? në Report Tv. Në qendër të bisedës është aktualiteti politik, taksa në Rrugën e Kombit, aeroportet, çmimet e kripura që paguajnë shqiptarët për tragetet dhe gjendja e ujësjellësave.<br /><br />Intervista e Damian Gjiknurit në REPORT TV<br />Aplikimi i tarifës në Rrugën e Kombit, disa muaj më parë kur u vendos pati protesta dhe sot pritej një reagim, por opozitë nuk pamë, pse kjo tarifë?<br />Kjo temë është shumë e debatuar, po i rikthehet pak. Arsyeja ka qenë e thjeshtë, pasi nuk e nisa unë, por u fillua që në 2014, u konkludua në 2016. Qëllimi ishte për të siguruar të ardhura për të mirëmbajtur atë rrugë, pasi ka kosto të lartë. Nëse përdoruesit e rrugës nuk do të kontribuojnë, rruga do të amortizohet dhe kosto do të jetë më e lartë.<br /><br />Sa është kostoja e mirëmbajtjes?<br />Shkon mbi 7 milionë euro në vit<br /><br />Aktualisht sa jepen?<br />Është dhënë 5 milionë euro, por nevojat janë për 7 milionë euro, vetëm për tunelin janë dhënë mbi 2.5 mln euro. Në këtë tarifë do të futen investime shtesë, bërja e urës së Drinit.<br /><br />Sa kushton përfundimi i rrugës?<br />Pjesa e koncesionarit, vetëm ura shkon 35-40 milionë euro dhe vlera e investimeve është jashtëzakonisht e madhe mbi 50 mln euro. Ka edhe kosto operative.<br /><br />Shkaktoi gjithë atë irritim...<br />Në momentin kur filloi herën e parë mund të ishte bërë një punë më e mirë, u manipulua politikisht, pati edhe reagim qytetar dhe qeveria reflektoi dhe doli në një konkluzion për një tarifë simbolike.<br /><br />5 euro nuk është simbolike?<br />Jo jo, vendosëm tarifë simbolike për qytetarët e Kukësit.<br /><br />E ka shpërndarë te cdo njeri?<br />Pse nuk mërzitesh ti kur paguan 1 mijë lekë ora parkim. Edhe atë zoti e ka dhënë, hapësirë publike.<br /><br />A nuk ka një strukturë, një tra ku të mblidhen lekët, pse nuk i merr lekët shteti?<br />Nuk ka struktura që të menaxhojnë tollin dhe strukturën komplekse të rrugës së Kombit. Edhe po të bëhej, që shteti i mbledh ato para, do të kontraktonte një kompani. Të gjitha investimet do të detyroheshin ti paguanin taksapaguesit. Pse unë që jam në Tiranë apo Vlorë, të paguaj nga taksat e mia një rrugë që u takon të tjerëve. E përdor më shumë këtë rrugë, ke interesa, kontribuo. Kamionët kanë tarifa më të mëdha, se janë shkatërruesit më të madhej.
