Subscribe në Ora News këtu http://bit.ly/1s5j7UT<br /><br />Lirohet nga burgu para kohe, Ermal Hoxha, nipi i ish-diktatorit Enver Hoxha pas dënimit me akuzën e trafikut të drogës.<br /><br />Ermal Hoxha ka lënë qelitë në 13 shtator, ndërkohë që kishte për të vuajtur edhe një vit e 6 muaj nga dënimi i dhënë nga gjykata.<br /><br />Vendimi për lirimin para kohe me kusht është firmosur nga gjyqtari Spiro Sota në gjykatën e shkallës së parë në Fier, pasi Ermal Hoxha mbahej në burgun e këtij qyteti.<br /><br />Lirimi me kusht është bërë pasi Hoxha ka plotësuar afatet në bazë të nenit 59 për lirimin me kusht të dënuarit kur ka kryer 3/4 e dënimit si dhe në bazë të raportit të vlerësimit të të denuarit që ka qenë pozitiv dhe të gjitha palët kanë qenë për pranim kërkese.<br /><br />Po ashtu janë marrë parasysh dhe faktet që është kryefamiljar me një fëmijë të mitur.<br /><br />Lajmi u konfirmua edhe nga bashkëshortja e tij, Rezarta Shkurta, e cila e ka ndarë këtë moment me miqtë e saj në Instagram.<br /><br />Për më shumë lexoni në: http://www.oranews.tv/article/lirohet-nga-burgu-nipi-i-enver-hoxhes
