Subscribe në Ora News këtu http://bit.ly/1s5j7UT<br /><br />Tensionet dhe përplasjet shoqëruan aksionin e Inspektoratit Kombëtar të Mbrojtjes së Territorit në Jalë për prishjen e 9 objekteve të cilësuara si ndërtim pa leje në tokë shtetërore.<br /><br />Mbërritja e fadromave të IKMT të shoqëruar nga forca të shumta policie u prit me kundërshti nga banorët, të cilët thanë se kanë ende pushues në objektet një e dy katëshe të përshtatura si hotele.<br /><br />Por IKMT thekson se këto objekte janë skualifuikuar nga procesi i legalizimimit nga ALUZNI, dhe tashmë po trajtohen si ndërtime të paligjshme në territor që është pronë e ushtrisë, poshtë kapmit në Jalë.<br /><br />Por banorët që sipas IKMT ishin lajmëruar prej kohësh për vendimin, thonë se kanë ndërtuar aty prej 28 vitesh dhe paraqesin dokumenta pronësie për tokën mbi bazë të ligjit 7501.<br /><br />Tensioni u rrit kur fadromat nisën të shembin ndërtesën e parë dy katëshe, ndaj u desh ndërhyrja e policissë për të vënë situatën nën kontroll.<br /><br />Siç tregojnë pamjet në video, disa persona u shoqëruan nga Policia, sipas raportimeve mes tyre është edhe një e mitur, por policia e shtetit zytarisht nuk kë dhënë asnjë informacion.<br /><br />Në mbështetje të banorëve mbërritën edhe deputetët demokratë Nada Meçorapaj dhe Agron Shehaj, ku ky i fundit pati edhe një moment konfrontimi me kreun e IKTM-së.<br /><br />Për më shumë lexoni në: http://www.oranews.tv/article/aksioni-i-ikmt-nis-me-tensione-ne-jale-banoret-dhomat-jane-ende-me-pushues
