Subscribe në Ora News këtu http://bit.ly/1s5j7UT<br /><br />Vettingu i Partisë Socialiste për vettingun politik është vija e kuqe që do të përcaktojë sjelljen e opozitës me institucionet përfshirë edhe zgjedhjet e ardhshme vendore. Ka qenë ky mesazhi i prerë i kryetarit Lulzim Basha, i cili akuzoi kryeministrin Edi Rama se nuk e do shkëputjen e lidhjeve të politikës me krimin, pasi është mekanizmi kryesor që e mban në pushtet.<br /><br />Basha: Duhet të merremi me një çështje; do ta votojë apo jo vettingun politik. Nëse nuk e voton, atëherë le ta dinë të gjithë shqiptarët se nuk ka më asnjë rekurs institucional dhe as një mënyrë tjetër për t'u përballur me krimin në mënyrë politike dhe institucionale.<br /><br />Demokratët nuk e kanë ndërmend të pranojnë kërkesën e kryeministrit Edi Rama që për këtë çështje të marrin mendimin e Venecias, duke e konsideruar si alibi për të shtyrë dhe për t'iu shmangur procesit. Grupi parlamentar i PD i ka kërkuar zyrtarisht kryetarit të Kuvendit të mbledhë të premten Këshillin e Legjislacionit dhe Komisionin e Ligjeve për të futur në rrugë parlamentare propozimin e opozitës.<br /><br />Basha: Ky është një tjetër mashtrim. Ky tekst ka shkuar në Venecia. Venecia e ka aprovuar për gjyqtarët dhe prokurorët. Pastaj pa pyetur fare e kanë bërë për policët dhe gardistët. Pastaj, kur vjen puna tek politikanët tani duan ta çojnë prapë në Venecia.<br /><br />Për më shumë lexoni në: http://www.oranews.tv/article/basha-miratimi-i-ligjit-vettingun-politik-vija-e-kuqe-opoziten
